Orlofsvefurinn opnar fyrir bókanir,  í þau hús sem laus eru eftir úthlutun inná tímabilið 29.maí til 28.ágúst 2015,  n.k. mánudag 27.april kl. 9.00.

Í gildi er reglan „fyrstur kemur –fyrstur fær“ og leigutímabilið er ein vika í senn.  Félagsmenn athugið að ef bókað er á orlofsvefnum verður að klára bókunina með því að greiða með kreditkorti.

Í kjölfar aðalfundar FÍR sem haldinn var í kvöld hefur ný stjórn félagsins tekið við. RSÍ býður nýja stjórn velkomna í hópinn og hlakkar til komandi samstarfs. Þess má geta að fyrr í dag tóku nýjir stjórnarmenn FÍR sæti í samninganefnd RSÍ vegna almenna samningsins þar sem farið var yfir stöðu kjaramála í dag og þá kröfugerð RSÍ sem lögð var fram 18. júní 2014 sem og kröfurnar um launaliðinn sem iðnaðarmannasamfélagið lagði fram föstudaginn 13. mars síðastliðinn.

RSÍ þakkar jafnframt fráfarandi stjórn fyrir gott samstarf á undanförnum árum.

Þann 17. apríl ákvað samninganefnd Samtaka atvinnulífsins að vísa kjaradeilu þeirra við RSÍ til Ríkissáttasemjara. Þann sama dag vísuðu þeir öðrum kjaradeilum iðnaðarmannafélaganna sem og annarra hópa innan Alþýðusambands Íslands einnig til Ríkissáttasemjara.

Verðandi stjórn Félags íslenskra rafvirkja boðar til félagsfundar þriðjudaginn 21. apríl að loknum aðalfundi.

Golfmót RSÍ verður haldíð þann 5 júní og er skráning hafin. (smellið hér)
Mótið verður haldið í Grindavík og verður ræst út á öllum teigum kl 13,30
Rútuferð verður frá Stórhöfða 31 (baka til) og verður lagt af stað kl 11,30

Í dag kl. 16:30 var skrifað undir fyrirtækjasamning vegna starfsmanna hjá Ríkisútvarpinu en deila hefur staðið all lengi yfir og stefndi í verkfall hjá félagsmönnum Félags tæknifólks í rafiðnaði og Félagi rafeindavirkja kl. 6 í fyrramálið. Sökum aðstæðna var boðað til félagsfundar með starfsmönnum strax í kjölfar undirskriftar og samningurinn var kynntur þeim. Atkvæðagreiðsla hófst beint í kjölfar og liggur niðurstaða fyrir.

Allt að 7.697 kr. verðmunur er á þjónustu við dekkjaskipti fyrir jeppa af stærri gerðinni með álfelgu af stærð 265/70R17. Titancar var alltaf með lægsta verðið í nýrri könnun á dekkjaskiptum. Þetta kemur fram í verðkönnun sem verðlagseftirlit ASÍ gerði hjá 21 hjólbarðaverkstæði víðsvegar um landið þann 8. apríl sl. Titancar var alltaf með lægsta verðið á þjónustunni en Gúmmívinnustofa SP dekk var oftast með það hæsta.

Félagið fær umfjöllun á RÚV

Kjör á nýrri stjórn og trúnaðarráði félagsins fær umfjöllun á RÚV í gær og talað er við nýkjörinn formann félagsins sem má sjá hér í tengli fyrir neðan.

Viðtal við nýkjörinn formann félagsins

Úrslit kjörs stjórnar og trúnaðarráðs Félags Íslenskra Rafvirkja

Talið var í gær í kjöri um stjórn og trúnaðarráðs félagsins og voru úrslit á þann veg að B - listi fékk fleiri atkvæði og er þar með sigurvegari kosningana.

Víðsvegar í fjölmiðlum í dag hefur verið vitnað í fréttatilkynningu stjórnenda Ríkisútvarpsins ohf. í tengslum við deilu RSÍ og RÚV. Þar kemur fram að samninganefnd starfsmanna RÚV hafi komið fram með nýjar kröfur sama dag og samninganefndin hafi tekið ákvörðun um að slíta viðræðum. Það er algjörlega úr lausu lofti gripið og á enga stoð í raunveruleikanum.