Fyrirtækjasamningur við RÚV ohf undirritaður og samþykktur

Ítarupplýsingar

Í dag kl. 16:30 var skrifað undir fyrirtækjasamning vegna starfsmanna hjá Ríkisútvarpinu en deila hefur staðið all lengi yfir og stefndi í verkfall hjá félagsmönnum Félags tæknifólks í rafiðnaði og Félagi rafeindavirkja kl. 6 í fyrramálið. Sökum aðstæðna var boðað til félagsfundar með starfsmönnum strax í kjölfar undirskriftar og samningurinn var kynntur þeim. Atkvæðagreiðsla hófst beint í kjölfar og liggur niðurstaða fyrir.

Fjöldi starfsmanna er samtals 52 og alls tóku 42 þátt í atkvæðagreiðslunni eða 80,8%.

Já sögðu 40 eða 95%
Nei sögðu 2 eða 5%

Fyrirtækjasamningurinn telst því samþykktur og hefur því tekist að afstýra verkfalli.