Fréttir eftir ári
Útgáfa
- Ítarupplýsingar
Sumarnámskeið fyrir börn og unglinga
Í yfirliti sem verðlagseftirlit ASÍ tók saman um sumarnámskeið barna kemur fram að mikill verðmunur er á milli þeirra námskeiða sem í boði eru. Sem dæmi um mismunandi námskeið má nefna t.d. knattspyrnu-, fimleika-, golf- og leikjanámskeið.
- Ítarupplýsingar
Spennugolf 2013
Nú í ár eru 20 ár frá fyrsta Spennugolfs-mótinu.
Afmælismótið verður á Garðavelli Akranesi 14. júní
Þátttökugjald er kr. 5.000.- pr. einstakling
Innifalið er : Rúta, Golf, og grill að hætti hússins
Rúta frá RSÍ Stórhöfða 31 kl. 12:15
Áætlað er að hefja leik kl. 14:00
Skráningu lýkur 12. júní kl. 16:00
Skrá hjá : gudmundur@rafis.is eða Guðmundur sími 8931400
Vinsamlega skráið : Nafn – Kennitölu – Grunnforgjöf - GSM
- Ítarupplýsingar
Haustönn Rafiðnaðarskólanns
Nú hefur Rafiðnaðarskólinn sett inn námskrá haustannar inn á vefinn. Við hvetjum félagsmenn til að kynna sér námsframboðið og sækja þau námskeið sem hentar hverjum og einum. Listi yfir námskeið er að finna hér.
- Ítarupplýsingar
Andlát
Þann 21. maí síðastliðinn lést félagi okkar Stefán Ólafur Guðmundsson, starfsmaður Fræðsluskrifstofu rafiðnaðarins. Stefán var alla tíð virkur í félagsmálum en lengst af starfaði hann hjá ISAL þar til hann hóf störf hjá Fræðsluskrifstofunni í upphafi árs 2000 og hafði hann starfað hjá Fræðsluskrifstofu rafiðnaðarins alla tíð síðan. Stefán sinnti málefnum sterkstraums en má þar nefna utanumhald um sveinspróf, þýðingar á sveinsbréfum, hann hefur setið í stjórn Mímis svo örfá verkefni séu nefnd. Stefán hefur verið í fararbroddi við að halda Spennugolfi RSÍ gangandi og að öðrum ólöstuðum þá hefði Spennugolfið ekki verið eins ef hann hefði ekki drifið það áfram af dugnaði, svo eitthvað sé nefnt. Það er mikill missir fyrir okkur rafiðnaðarmenn að missa svo öflugan mann úr okkar röðum. Við sendum fjölskyldu og vinum Stefáns okkar dýpstu samúðarkveðjur á þessum erfiðu tímum.
- Ítarupplýsingar
Tjaldstæðið Apavatni
Tjaldstæðið á Skógarnesi við Apavatn (B svæðið) opnar á morgun föstudag 24.maí 2013.
A svæðis opnun verður auglýst síðar !
- Ítarupplýsingar
Sambandsstjórnarfundur RSÍ 2013
Dagana 3. og 4. maí síðastliðna var Sambandsstjórnarfundur RSÍ haldinn. Sambandsstjórn kemur saman einu sinni á ári og er æðsta vald RSÍ á milli þinga sem haldin eru á fjögurra ára fresti. Sambandsstjórnarfundur fer yfir reikninga og ársskýrslu miðstjórnar og afgreiðir að lokum. Sambandsstjórn getur jafnframt breytt reglugerðum sjóða RSÍ en breytingar voru einmitt gerðar á reglugerðum Orlofs- og Styktarsjóðs. Breytingarnar miða að því að uppfylla samstarfssamning sem gerður hefur verið á milli Rafiðnaðarsambanda á Norðurlöndum (El&IT, Dansk El forbund, Elektrikerna, Sähköliitto og RSÍ). - Ítarupplýsingar
Ályktun vegna kjaraviðræðna
Sambandsstjórnarfundur RSÍ, haldinn dagana 3. og 4. maí, lýsir yfir áhyggjum vegna stöðu efnahagsmála hér á landi. Mikil óvissa er framundan á ýmsum sviðum. Nú þegar nýtt Alþingi kemur saman, með nýrri ríkisstjórn, óskum við eftir auknu samstarfi við að leita leiða til þess að tryggja stöðugleika á vinnumarkaði í tengslum við gerð nýrra kjarasamninga.
- Ítarupplýsingar
Ályktun um verðlagseftirlit
Ályktun um verðlagseftirlit Sambandsstjórnarfundur Rafiðnaðarsambands Íslands (RSÍ), haldinn á Akureyri dagana 3. og 4. maí 2013, lýsir yfir fullum stuðningi við verðlagseftirlit Alþýðusambands Íslands. Fundurinn telur þá aðferðafræði sem notuð er við eftirlitið uppfylla allar kröfur sem nauðsynlegar eru til þess að geta áttað sig á breytingum á vöruverði. Bornar eru saman upplýsingar af verðmerkingum verslana sem eru þær upplýsingar sem neytendur eiga að geta treyst í einu og öllu.
- Ítarupplýsingar
1. maí ræða formanns RSÍ í Borgarnesi
Hér má sjá ræðu Kristjáns Þórðar Snæbjarnarsonar, formanns RSÍ, sem hann fór með í Borgarnesi 1. maí 2013.
- Ítarupplýsingar
1. maí kröfuganga og kaffi!
Að vanda verður Rafiðnaðarsamband Íslands og aðildarfélög með 1. maí kafii á Stórhöfða. Að þessu sinni verður kaffið á Stórhöfða 27 (húsnæði Rafiðnaðarskólans) og verður kaffið á neðstu hæð hússins. Við hvetjum alla félagsmenn að líta við í kaffi að kröfugöngu lokinni!
Safnast verður saman í Reykjavík við Hlemm kl. 13:00 og hefst kröfuganga kl. 13:30. Útifundur hefst á Ingólfstorgi kl. 14:10. Nánari upplýsingar um aðrar kröfugöngur á landinu er að finna hér.
Baráttukveðjur!