Í ljósi aðstæðna í samfélaginu vegna Covid-19 og samkomubanns  biðjum við gesti á tjaldsvæðinu að virða eftirfarandi: 

Skógarnes

• Óheimilt er að fara á önnur svæði á Skógarnesi en það svæði sem tjaldstæði var bókað á.

• Gestum á hverju svæði fyrir sig er eingöngu heimilt að nota salernishús á því svæði. 

• Búið er að koma upp salernishúsi við svæði D.

• Virða skal 2ja metra regluna, líka við notkun á salernishúsi.

• Leiksvæði er eingöngu fyrir börn fædd 2005 eða síðar. Öðrum er óheimilt að nota leiksvæðin.

• Bátar eru lokaðir.

• Þvottahús er lokað.

Miðdalur

• Ekki þarf að grípa til takmarkana  varðandi fjölda á svæðinu þar sem tjaldstæði þar eru innan marka samkomubanns. 

• Virða skal 2ja metra regluna, líka við notkun á salernishúsi

• Leiksvæði er eingöngu fyrir börn fædd 2005 eða síðar. Öðrum er óheimilt að nota leiksvæðin.

• Þvottahús er lokað.

Formaður RSÍ fjallar hér um samfélagslega ábyrgð fyrirtækja og hvaða stefnur stjórnir lífeyrissjóða þurfa að taka mið af í fjárfestingum sínum. Smellið hér til að lesa greinina.

Staða í kjaraviðræðum við Norðurál er þannig að þrátt fyrir mikinn fjölda funda hefur ekki komist á samkomulag á milli samningsaðila. Síðasti fundur sem fram fór þann 18 ágúst síðastliðinn skilaði ekki árangri. RSÍ, í samstarfi við FIT, hefur því ákveðið að boða til fundar með félagsmönnum sem starfa hjá Norðuráli í næstu viku. Fundurinn mánudaginn 24. ágúst kl. 20 og verður haldinn á Akranesi. Fundurinn er jafnframt auglýstur á starfssvæði Norðuráls. Ljóst er að ekki verður unað við óbreytt ástand áfram og því nauðsynlegt að fara yfir stöðu mála og þá þróun sem hefur orðið frá því síðasti félagsfundur var haldinn með starfsmönnum Norðuráls í byrjun júní.

Við hvetjum félaga okkar, sem starfa hjá Norðuráli, til þess að mæta á fundinn en vekjum jafnframt athygli á því að fara þarf að sóttvarnarlögum og viðhafa þarf 2ja metra regluna á fundinum auk þess að hver og einn þarf að sinna persónubundnum sóttvörnum.

Í júlí hélt atvinnuleysi áfram að aukast milli mánaða en skráð atvinnuleysi hjá Vinnumálastofnun var 7,9% í mánuðinum. Í júní var það 7,5%, aukningin er því 0,4%. Þá var atvinnuleysi í júlí 2019 3,4% og hefur því atvinnuleysi rúmlega tvöfaldast milli ára. Vinnumálastofnun spáir því að aukning atvinnuleysis verði umtalsverð í ágúst, það fari í 8,6%, þar sem áhrifa hópuppsagna í vor gæti í fjölgun á atvinnuleysisskrá. Í september verður skólastarfsemi farin af stað og reiknar Vinnumálastofnun með að minnki í mánuðinum vegna afskráninga nemenda sem stofnunin þjónustaði í sumar. 

Aðsókn í hlutabótaúrræði minnkaði milli mánaða, fyrir júlí var það metið sem 0,9% atvinnuleysi borið saman við 2,1% í júní og 10,3% þegar mest var í apríl. Úrræðið verður virkt út ágúst mánuð og spáir Vinnumálstofnun því að atvinnuleysi vegna þess verði metið 0,4% þennan síðasta mánuð.

Atvinnuleysi meðal kvenna jókst töluvert meira heldur en hjá körlum í júlí þegar atvinnuleysi kvenna fór úr 7,4% í 8,1% meðan atvinnuleysi hjá körlum fór úr 7,5% í 7,7% . Karlar eru fjölmennari á vinnumarkaði og þó hlutfall atvinnuleysis væri lægra meðal þeirra voru þeir áfram fjölmennari á atvinnuleysisskrá í lok júlí, rúm 9 þúsund meðan konur voru tæp 8 þúsund. Utan höfuðborgarsvæðisins er atvinnuleysi kvenna er orðið meira í öllum landshlutum. Búast má við því að aukning atvinnuleysis lendi áfram meira á konum en hlutfall kvenna er meira í þeim þjónustugreinum sem nú verða fyrir barðinu á heimsfaraldrinum. 

Atvinnuleysi jókst um 2 prósentustig á Suðurnesjum en þar hefur aukning atvinnuleysis verið hröðust og almennt atvinnuleysi þar mældist 15,2% í júlí. Atvinnuleysið bitnar illa á erlendum ríkisborgurum. Í lok júlí voru tæplega 7 þúsund erlendir ríkisborgarar atvinnulausir sem samsvarar 19,2% atvinnuleysis í hópnum. 

"Mínar síður" verða lokaðar dagana 21.- 28.ágúst vegna breytinga.

Rafiðnaðarsambandið beinir því til félagsmanna að nota vefsíðu félagsins, Orlofshúsavefinn og „Mínar síður“ eins og hægt er á meðan COVID-19 ástand er og reglur gilda um fjarlægðir fólks á milli. Á þessum síðum má finna upplýsingar um starfsemi félagsins, áunnin réttindi, styrki, orlofsmál og fleira.

Þá mælist félagið til þess, eins og önnur félög á Stórhöfða 31, að fólk sendi heldur tölvupóst eða hringi, frekar en að mæta á skrifstofuna eigi það erindi við félagið, sé þess kostur.

Mikill munur á andlitsgrímum, bæði hvað varðar verð og gæði

Verðlagseftirlit ASÍ hefur kannað verð á þriggja laga einnota andlitsgrímum í hinum ýmsu verslunum, netverslunum, matvöruverslunum og apótekum svo eitthvað sé nefnt. 

Úrval og framboð af andlitsgrímum er mjög misjafnt milli verslana og mikill verðmunur er á slíkum andlitsgrímum. Lægsta stykkjaverðið í könnuninni var að finna í Costco, 42 kr. stk eða 2.089 kr., fyrir pakka með 50 grímum. Hæsta stykkjaverðið var í Eirberg, 298 kr. gríman eða 5.950 kr. fyrir pakka með 20 grímum. Lægsta verðið á andlitsgrímum sem seldar voru í stykkjatali var í Krambúðinni, 49 kr. stk en það hæsta í Lyfju, 209 kr. stk. 

Grímurnar sem voru til skoðunar í könnuninni voru allar þriggja laga og einnota en eru ekki endilega alveg eins þar sem þær koma frá mismunandi framleiðendum. Gæðamunur getur því verið á grímum hjá þeim söluaðilum sem könnunin nær til. Ekki er lagt mat á gæði á þeim grímum sem birtast í könnuninni þar sem einungis þar til bærir sérfræðingar geta skorið úr um hvort gæði gríma sé fullnægjandi. 

Tafla með verðkönnun (smella hér)

Neytendastofa hefur tekið fjölda gríma úr umferð 

Vert er að taka fram að Neytendastofa sér um eftirlit með andlitsgrímum og hefur stofnunin orðið vör við að gæðum á andlitsgrímum sé í sumum tilfellum ábótavant og hefur töluvert magn af grímum verið tekið úr umferð vegna þess. Þar að auki er talsvert af þeim grímum sem eru til sölu ekki CE vottaðar og þá hafa CE merkingar í sumum tilfellum verið falsaðar og geta neytendur sent Neytendastofu ábendingu ef þeir verða varir við slíkt.  

Þessi verðkönnun gefur innsýn inn í verð og framboð á þriggja laga einnota andlitsgrímum á markaðnum í dag. Verð og framboð á andlitsgrímum breytist þó ört og hvetjum við fólk til að fylgjast vel með, m.a. inn á hópi Verðlagseftirlits ASÍ „Vertu á verði“ en þar geta neytendur skráð niður upplýsingar um verð á andlitsgrímum og fylgst þannig með markaðnum.

Neytendur séu vakandi fyrir misjöfnum gæðum á grímum og fari eftir ráðleggingum stjórnvalda hvað varðar notkun þeirra

Neytendur eru hvattir til að vera vakandi fyrir misjöfnum gæðum á einnota sem og fjölnota andlitsgrímum sem eru á markaði auk þess að vera meðvitaðir um notkun þeirra og meðhöndlun til að þær geri gagn.

Neytendur eru einnig hvattir til að fara eftir ráðleggingum stjórnvalda sem mæla ekki með almennri notkun á andlitsgrímum nema í þeim tilfellum sem ekki er hægt að tryggja 2 metra fjarlægð og hafa í huga að notkun andlitsgríma gagnast aðeins ef regluleg handhreinsun er stunduð líka. Nánari upplýsingar um notkun andlitsgríma má finna á vef landlæknis: (smella hér)

Fjölnota tauandlitsgrímur geta verið ódýrari kostur þurfi fólk að notast mikið við andlitsgrímur

Kostnaður við einnota andlitsgrímur er fljótur að safnast upp í háar fjárhæðir ef fólk þarf að nota þær mikið yfir daginn vegna vinnu eða notar margar á dag vegna ferða sinna, t.d. með strætó. Í slíkum tilefllum getur borgað sig að nota fjölnota andlitsgrímur, hvort sem maður kaupir þær eða býr til sjálfur. Mikilvægt er að vera vakandi fyrir gæðum á keyptum andlitsgrímum og fara eftir þeim leiðbeiningum sem hafa verið gefnar út varðandi gerð heimatilbúinna gríma.

Ráðleggingar við gerð margnota tauandlitsgríma

Í ráðleggingum vinnuhóps Evrópusambandsins um gerð andlitsgríma sem finna má á vef Landlæknis segir að nauðsynlegt sé að andlitsgrímur séu úr að minnsta kosti úr tveimur lögum af efni (helst þremur), passi vel á andlitið og hylji það vel. Rannsóknir sýna að bómull sé gott efni til að nota í fjölnota andlitsgrímur. Ef maður ætlar sér að búa til grímu sjálfur er t.d. hægt að nota þéttofið bómullarefni og á milli ysta og innsta lags hafa lag (eða tvö) af þykkara efni. Mikilvægt er að tryggja að auðvelt sé að anda með grímuna á sér og að það sé hægt að þvo grímuna. Þá er nauðsynlegt að þvo taugrímur a.m.k. einu sinni á dag, helst við 60 gráður á selsíus.

Það sem er ráðlagt að gera:

- Notaðu þétt efni

- Hafðu tvö eða þrjú lög af efni (má vera sama efni eða mismunandi)

- Notaðu efni sem hleypir lofti auðveldlega í gegn þegar er andað í gegnum það

- Notaðu efni sem eru mjúk og sveigjanleg sem falla að og hylja andlitið

- Notaðu efni sem eru ekki of heit 

- Notaðu mjúk efni sem valda ekki pirringi í húðinni

- Þvoðu efnið áður en þú klippir það niður til notkunar á amk 60 gráðum

Það sem er ráðlagt að gera ekki:

- Ekki nota efni sem eru þunn og létt

- Ekki nota einungis eitt lag af efni

- Ekki nota hefti til að festa efnið saman

- Ekki nota efni sem erfitt er að anda í gegnum

- Ekki nota efni sem eru of stíf og er ekki hægt að festa og þétt að andlitinu

- Ekki nota efni sem er of heitt og getur valdið óþægindum

- Ekki nota efni sem valda pirringi í húðinni 

- Ekki gera lóðrétta sauma meðfram nefi, munni og höku

- Ekki nota ryksugupoka, einangrunarefni notað í byggingariðnaði, bleyjur o.s.frv. við gerð andlitsgríma

- Ekki nota efni sem hafa mögulega verið meðhöndluð með skaðlegum efnum

Nánari ráðleggingar frá vinnuhópi Evrópusambandsins um gerð fjölnota andlitsgríma:
https://www.cencenelec.eu/research/cwa/documents/cwa17553_2020.pdf

Á síðu Alþjóðaheilbrigðismálastofnunarinnar (WHO) má einnig finna myndbönd og upplýsingar með ráðleggingum um notkun og gerð einnota og fjölnota andlitsgríma: https://www.who.int/emergencies/diseases/novel-coronavirus-2019/advice-for-public/when-and-how-to-use-masks

Um könnunina

Kannað var verð á einnota þriggja laga andlitsgrímum hjá eftirtöldum söluaðilum: Costco, Krambúðinni Laugalæk, Fjarðarkaupum, Bónus, Krónunni, Nettó, Hagkaupum, Lyf og heilsu, Lyfju, Lyfsalanum, Lyfjavali, Reykjavíkurapóteki, Apótekaranum, Múlalundi, Partývörum, Wurth, LedTec.is, Pollyanna.is, Flugubullan.is, Smartsocks.is, Varnir.is, Málningarvörum, , Emobi.is, Smart Boutique, Eirberg, Kemi.

Hér er aðeins um beinan verðsamanburð að ræða en ekki var lagt mat á gæði eða þjónustu söluaðila. Könnunin er ekki tæmandi og getur verið að hún nái ekki til allra þeirra aðila á markaði sem selja andlitsgrímur. 

Óheimilt er að vitna í könnunina í auglýsingum og við sölu nema með heimild ASÍ.

Vegna forfalla er laus íbúð á Akureyri frá 31.07-07.08.2020. Fyrstur kemur fyrstur fær.......

Í ljósi aðstæðna í samfélaginu vegna Covid-19 og herts samkomubanns er að ýmsu að huga varðandi skipulag á tjaldsvæðunum. 

Við biðjum gesti okkar um verslunamannahelgina að fylgja reglum Almannavarna í hvívetna. 

Við biðjum því gesti á svæðinu að virða eftirfarandi: 

Skógarnes

• Óheimilt er að fara á önnur svæði á Skógarnesi en það svæði sem tjaldstæði var bókað á.

• Gestum á hverju svæði fyrir sig er eingöngu heimilt að nota salernishús á því svæði. 

• Búið er að koma upp salernishúsi við svæði D.

• Virða skal 2ja metra regluna, líka við notkun á salernishúsi.

• Leiksvæði er eingöngu fyrir börn fædd 2005 eða síðar. Öðrum er óheimilt að nota leiksvæðin.

• Bátar eru lokaðir.

• Þvottahús er lokað.

Miðdalur

• Ekki þarf að grípa til takmarkana  varðandi fjölda á svæðinu þar sem tjaldstæði þar eru innan marka samkomubanns. 

• Virða skal 2ja metra regluna, líka við notkun á salernishúsi

• Leiksvæði er eingöngu fyrir börn fædd 2005 eða síðar. Öðrum er óheimilt að nota leiksvæðin.

• Þvottahús er lokað.

• Brenna sem fyrirhuguð var í Miðdal um verslunarmannahelgina verður ekki.

Þeir félagsmenn sem hafa bókað tjaldstæði fyrir helgina en hætta við vegna Covid-19 fá að sjálfsögðu endurgreitt. Senda þarf beiðni um afbókun á netfangið rsi@rafis.is

Vegna forfalla var að losna íbúð við Kristjánshaga á Akureyri um verslunarmannahelgina. Fyrstur kemur fyrstur fær....