Í gærkvöldi var undirritaður kjarasamningur RSÍ við Orkuveitu Reykjavíkur. Samningurinn er í samræmi við það sem samið hefur verið um að undanförnu á almennum markaði. Samningurinn verður kynntur á fundi með starfsmönnum en fundurinn verður auglýstur þegar tímasetning liggur fyrir.

Enn fjölgar þeim kjarasamningum sem búið er að skrifa undir. Rétt er að benda félagsmönnum á að þegar greiða á atkvæði um kjarasamning þá þarf að passa upp á að velja rétta kosningasíðu miðað við á hvaða kjarasamningi viðkomandi er því þessa stundina er verið að kjósa um þrjá mismunandi kjarasamninga.

Í dag var stofnþing ASÍ-UNG haldið í húsakynnum Rafiðnaðarskólans. ASÍ-UNG er samstarfsvettvangur ungs fólks innan aðildarfélaga ASÍ og eru miklar vonir bundnar við að með stofnun ASÍ-UNG sé verið að stíga það skref að virkja ungt fólk til starfa innan verkalýðshreyfingarinnar. Á þessu stofnþingi var kosin stjórn sem mun sjá um að vinna að málefnum ungs fólks, hvort sem það er að auka þekkingu fólks á réttindum þeirra, störfum verkalýðshreyfingarinnar eða einfaldlega að efla félagsandann.

Kjarasamningar á milli RSÍ og Skipta vegna Símans og Mílu var undirritaður í gær. Atkvæðagreiðsla hefst á næstu dögum. Atkvæðagreiðslan verður með rafrænum hætti líkt og gert hefur verið undanfarið og munu félagsmenn munu fá lykilorð sent heim. Atkvæðagreiðslunni mun ljúka þann 14. júní kl. 23:59. Félagsmönnum er bent á að hafa samband við skrifstofu ef kjörgögn hafa ekki borist þeim föstudaginn 3. júní næstkomandi.

Rafiðnaðarsamband Íslands er búið að ganga frá samningum við SA/SART og félag atvinnurekenda.  Kosning er í gangi um fyrri samninginn og niðurstaða á að liggja fyrir  á fimmtudaginn 26. maí. Allir þeir sem fá greitt samkvæmt þeim samningi fengu heim kjörgöng og lykilorð til að geta kosið rafrænt.

Kosning er að fara í gang um samninginn við félag atvinnurekenda. Sú kosning er einnig rafræn og fá þeir sem fá greitt samkvæmt þeim samningi póst í þessari viku. Kosningu líkur þann 9. júní á miðnætti og úrslit liggja fyrir þann 10. júní.

Samningaviðræður eru í gangi um aðra samninga  sambandsins og fundir á hverjum degi  þar sem unnið er að lausn þeirra mála sem uppi eru á  vinnustöðum þeirra sem vinna samkvæmt þeim samningum.

Nýr kjarasamningur var undirritaður í gær 5.maí.

Stéttarfélögin hafa lagt mikla áherslu á að tryggja félagsmönnum sínum launahækkanir þessa árs, en fullyrða má að þær kjaraviðræður sem fram hafa farið á undanförnum mánuðum séu þær erfiðustu sem átt hafa sér stað áratuga skeið. Fyrir utan erfitt efnahaglegt árfeði var ýmislegt annað sem truflaði.