Í dag var stofnþing ASÍ-UNG haldið í húsakynnum Rafiðnaðarskólans. ASÍ-UNG er samstarfsvettvangur ungs fólks innan aðildarfélaga ASÍ og eru miklar vonir bundnar við að með stofnun ASÍ-UNG sé verið að stíga það skref að virkja ungt fólk til starfa innan verkalýðshreyfingarinnar. Á þessu stofnþingi var kosin stjórn sem mun sjá um að vinna að málefnum ungs fólks, hvort sem það er að auka þekkingu fólks á réttindum þeirra, störfum verkalýðshreyfingarinnar eða einfaldlega að efla félagsandann.
Fyrsta stjórn ASÍ-UNG var kosin og var Helgi Einarsson kosinn formaður. Helgi hefur undanfarin ár verið formaður félags nema í rafiðnum og þekki vel til starfa innan verkalýðshreyfingarinnar. Stjórnin er þannig skipuð:
Formaður ASÍ-UNG: | Helgi Einarsson | Félag nema í rafiðnum |
Varaformaður: | Sverrir K. Einarsson | AFL |
Ritari: | Elín Jóhanna Bjarnadóttir | Félag Málmiðnaðarmanna á Akureyri |
Friðrik Guðni Óskarsson | FIT | |
Ása Margrét Birgisdóttir | Eining-Iðja | |
Einar Hannes Harðarson | Sjómanna og vélstjórafélag Grindavíkur | |
Elín G. Tómasdóttir | Stéttarfélag Vesturlands | |
Guðfinna Alda Ólafsdóttir | VR | |
Guðni Gunnarsson | VM |