Rafræn kosning um vinnustöðvun starfsmanna Rio Tinto á Íslandi hf. er hafin.
Utankjörfundaratkvæðagreiðsla fer fram á skrifstofu aðaltrúnaðarmanns í Straumsvík 11., 12. og 13. mars milli 9:00 og 12:00.

Smelltu á viðkomandi hlekk til að kjósa með rafrænni auðkenningu eða íslykli.

Félag íslenskra rafvirkja (smella hér)

Félag rafendavirkja (smella hér)

Breyting á virkum vinnutíma

Við upptöku virks vinnutíma eru 37 klst. greiddar að jafnaði á viku m.v. fullt starf í stað 40 klst. og deilitala dagvinnutímakaups verður 160 í stað 173,33. Tímakaup í dagvinnu hækkar því um 8,33% eða sem nemur greiðslu fyrir kaffitíma sem færist yfir í tímakaup fyrir virkan vinnutíma, kaffitímar verða áfram teknir með sama fyrirkomulagi og áður, 35 mínútur á hverjum virkum degi. Ef færri tímar eru greiddir á viku / mánuði m.v. fullt starf skal reikna hækkun þannig að dagvinnulaun fyrir 37 klst. á viku / 160 klst. á mánuði verði þau sömu og áður var greitt fyrir fleiri tíma. Þar sem starfsmaður nýtur aukagreiðslna m.v. 40 klst. á viku (t.d. verkfæra- eða fatagjalds) taka þær hækkun 8,33% til samræmis.

Engar breytingar eru gerðar á fyrirkomulagi kaffihléa í yfirvinnu, þau verða áfram greiddur tími og sé unnið í þeim greiðist tilsvarandi lengri tími sem unninn er. 

Dæmi til 31.03.2020 

Dæmi frá 01.04.2020 með kr.18.000 hækkun sem koma á öll laun 01.04. 2020.

·         Öll dagvinnulaun hækka um a.m.k. kr.18.000 - eða 112,50 pr. tíma frá 1. apríl 2020.

Breyting á yfirvinnuálagi

Stytting vinnuvikunnar

Starfsmenn eiga rétt á að fram fari viðræður um vinnutímastyttingu í 36 virkar vinnustundir á viku að jafnaði samhliða niðurfellingu kaffitíma skv. gr. 3.1.2 í kjarasamningi. Stjórnendur fyrirtækja geta einnig óskað eftir viðræðum. 

Ef samkomulag verður á milli aðila vegna bættrar nýtingar vinnutíma og aukinnar framleiðni skiptist ávinningur milli starfsmanna og atvinnurekanda, hlutdeild starfsmanna felst í viðbótarstyttingu virks vinnutíma um 13 mín á dag eða 65 mín á viku.

Viðbótarstytting virks vinnutíma:

Náist samkomulag um styttingu vinnuvikunnar verður virkur vinnutími 36 klst. á viku, án skerðingar mánaðarlauna (deilitala dagvinnutímakaups 156 í stað 160 með 2,56% hækkun dagvinnutímakaups).

Yfirvinna 1 greiðist áfram af fyrstu 4 klst á viku að jafnaði umfram 36 klst í dagvinnu eða 17,33 klst á mánuði. 

Stéttarfélögin sem standa að þessum kjarasamningum eru tilbúin að veita aðstoð við útfærslu og vera félagsmönnum sínum innan handar við styttingu vinnuvikunnar.

Kynnningarglærur RSÍ (smella hér)      Spurt og svarað (smella hér)

Umsóknartími var 1. - 28. febrúar. Rafræn úthlutun fór fram þann 1. mars samkvæmt punktakerfi. Niðurstöður úthlutunar voru sendar í tölvupósti til félagsmanna. Félagsmenn þurfa að greiða eða semja um greiðslur innan viku frá úthlutun.

6. mars er síðasti dagur til að greiða, fyrir þá sem fengu úthlutað. Þann 9. mars kl. 9.00 opnar fyrir þá sem fengu synjun, á þær eignir sem ekki fóru út og þær eiginir sem ekki hefur verið greitt fyrir.

Þann 16. mars. kl. 9.00 opnar fyrir alla "fyrstur bókar fyrstu fær"

Ath. að einungis er hægt að hafa eina bókun yfir sumartímann.

Viltu koma sjónarmiðum þínum á framfæri vegna stefnumótunarvinnu RSÍ? Vegna dræmrar þátttöku á Stefnumótunar fundi RSÍ var ákveðið að þátttakan yrði rafræn.

Smellið hér til að taka þátt.

Sameiginleg auglýsing frá stéttarfélögum starfsmanna Rio Tinto á Íslandi hf.; Verkalýðsfélaginu Hlíf, Félagi íslenskra rafvirkja, Félagi rafeindavirkja, VM – félagi vélstjóra og málmtæknimanna, FIT – félagi iðn- og tæknigreina og VR.

Þeir félagsmenn stéttarfélaga starfsmanna Rio Tinto á Íslandi hf. sem starfa hjá fyrirtækinu munu dagana 10.-13. mars 2020 eiga kost á að greiða atkvæði um boðun vinnustöðvunar. Félagar hvers stéttarfélags, sem eru starfsmenn Rio Tinto á Íslandi hf., munu greiða atkvæði sérstaklega um þá vinnustöðvun sem starfsmenn þess félags taka þátt í, en aðgerðaáætlun er stillt upp sameiginlega af öllum hlutaðeigandi stéttarfélögum.

Atkvæðagreiðslan verður rafræn og hefst klukkan 12 á hádegi þriðjudaginn 10. mars í gegnum heimasíður félaganna og lýkur klukkan 13 föstudaginn 13. mars.

Félagsmenn Hlífar greiða atkvæði um vinnustöðvun í formi skæruverkfalla hefjast 30. mars 2020 og lýkur 12. júní 2020.

Félagsmenn Félags íslenskra rafvirkja greiða atkvæði um vinnustöðvun í formi skæruverkfalla sem hefjast 24. mars 2020 og lýkur 10. júní 2020.

Félagsmenn Félags rafeindavirkja greiða atkvæði um vinnustöðvun í formi skæruverkfalla sem hefjast 24. mars 2020 og lýkur 10. júní 2020.

Félagsmenn VM – félags vélstjóra og málmtæknimanna greiða atkvæði um vinnustöðvun í formi skæruverkfalla sem hefjast 24. mars 2020 og lýkur 11. júní 2020.

Félagsmenn FIT – félags iðn- og tæknigreina greiða atkvæði um vinnustöðvun í formi skæruverkfalla sem hefjast 24. mars 2020 og lýkur 11. júní 2020.

Félagsmenn VR greiða atkvæði um vinnustöðvun í formi skæruverkfalla sem hefjast 24. mars 2020 og lýkur 10. júní 2020.

Utankjörfundaratkvæðagreiðsla vegna allra félaganna fer fram á skrifstofu aðaltrúnaðarmanns í Straumsvík þriðjudaginn 10. mars frá 9:00 til 12:00, miðvikudaginn 11. mars frá  9:00 til 12:00, fimmtudaginn 12. mars frá 9:00 til 12:00 og föstudaginn 13. mars frá 9:00 til 12:00.

Ríkisstjórn Íslands, Samtök atvinnulífsins og Alþýðusamband Íslands hafa náð þríhliða samkomulagi um aðgerðir til þess að hægja á útbreiðslu COVID-19 veirunnar hér á landi með því að tryggja að einstaklingar geti fylgt fyrirmælum heilbrigðisyfirvalda um að fara í sóttkví án þess að hafa áhyggjur af afkomu sinni. 

Mikill fjöldi launafólks hefur að tilmælum yfirvalda farið í sóttkví sem felur það í sér að það getur ekki sótt vinnu auk þess sem öll samskipti eru takmörkuð. Slíkt felur í sér mikla röskun á högum og daglegu lífi. Miklir samfélagslegir hagsmunir eru fólgnir í því að sóttkví sé haldin og hægt á útbreiðslu veirunnar. Af þeim ástæðum verður að tryggja að það launafólk sem sætir sóttkví  þurfi ekki að óttast um afkomu sína meðan á henni stendur. 

Aðilar hafa því orðið ásáttir um eftirfarandi:

1. Samtök atvinnulífsins munu beina þeim tilmælum til atvinnurekenda að laun verði greidd til einstaklinga sem sæta sóttkví að fyrirmælum heilbrigðisyfirvalda. 

2. Alþýðusamband Íslands mun beina þeim tilmælum til aðildarsamtaka sinna að sjóðfélagar í sjúkrasjóðum þeirra sem sýkjast njóti óskertra greiðslna úr sjóðunum að tæmdum veikindarétti. 

3. Stjórnvöld munu beita sér fyrir að breytingar verði gerðar á lögum um sjúkratryggingar í þá veru að atvinnurekendi, sem greiðir launamanni sem sætt hefur eða mun sæta sóttkví laun, geti krafið sjúkratryggingar um endurgreiðslu kostnaðar að ákveðnu hámarki séu tilteknar aðstæður fyrir hendi eins og til dæmis að launamaður geti ekki sinnt vinnu heiman frá sér. Unnið verði að útfærslu á þeirri aðkomu stjórnvalda og gildistíma og stefnt verði að því að þeirri vinnu verði lokið 13. mars. 

Meðan á sóttkví stendur reynir ekki á veikindarétt almenns launafólks, frekar en opinberra starfsmana, en sjúkrasjóðirnir þurfa að vera reiðubúnir til að taka við þeim sem veikjast og tæma veikindarétt sinn af þeim ástæðum. 

Drífa Snædal forseti ASÍ segir mjög ánægjulegt að tekist hafi að eyða óvissu um afkomu fólks vegna COVID 19. „Þetta er eitt stærsta samfélagslega úrlausnarefnið í dag og við leggjumst öll á árarnar til að minnka skaða eins og mögulegt er, fyrir einstaklinga sem lenda í sóttkví eða veikindum og okkur öll sem samfélag. Að vera óviss um afkomu er ekki þolandi í þessu ástandi.“

Formenn verkalýðsfélaga starfsfólks sem vinnur í álverinu í Straumsvík hafa sent frá sér sameiginlega tilkynningu um að tilboði um eingreiðslu og framlengingu friðarskyldu sé hafnað og að undirbúningur verkfallsaðgerða sé hafinn. Tilkynningin fer hér á eftir: 

Tilboði um eingreiðslu og framlengingu friðarskyldu hafnað og undirbúningur verkfallsaðgerða hafinn

Stéttarfélög starfsmanna Rio Tinto á Íslandi hf., sem rekur álverið í Straumsvík, vilja sem fyrr ljúka undirritun nýs kjarasamnings sem aðilar deilunnar hafa komið sér saman um, en ekki hefur fengist samþykki fyrir frá hluthafa Rio Tinto á Íslandi hf. Stéttarfélögin hafa því ákveðið að hafna tilboði Rio Tinto á Íslandi hf. og Samtaka atvinnulífsins um eingreiðslu og framlengingu friðarskyldu, án nýs kjarasamnings, og hefja þess í stað undirbúning atkvæðagreiðslu félagsmanna sinna um boðun verkfallsaðgerða. 

Varð þetta niðurstaða formanna og samninganefnda félaganna að höfðu samráði við starfsmenn álversins. Niðurstaða stéttarfélaganna var kynnt viðsemjendum þeirra á fundi hjá Ríkissáttasemjara í morgun.

Félögin hafa þegar hafið undirbúning atkvæðagreiðslu um verkfallsaðgerðir sem fyrirhugað er að fari fram 10. til 13. mars 2020. Nánari tilhögun atkvæðagreiðslunnar verður kynnt á næstu dögum. Verði niðurstaða atkvæðagreiðslu félagsmanna að boðað skuli til verkfallsaðgerða verða verkföll boðuð svo fljótt sem verða má eftir að sú niðurstaða liggur fyrir, en samkvæmt lögum um stéttarfélög og vinnudeilur þarf að boða verkföll með minnst 7 daga fyrirvara.

Það er sem fyrr von stéttarfélaganna að aðilar undirriti hinn nýja kjarasamning áður en til verkfallsaðgerða kemur.

Hér er listi yfir punktafjölda þess félagsmanns sem fékk tiltekið orlofshús leigt í sumarúthlutun 2020

Á málþinginu verður fjallað um velferð, jöfnuð og réttlæti í tengslum við loftslagbreytingar og þær aðgerðir sem þarf til að draga úr losun gróðurhúsalofttegunda. Málþingið er liður í fundaröð ASÍ um umhverfis- og loftslagsmál.

Tímasetning: 4. mars, 08:30-10:30 (morgunverður frá kl. 08:00)

Staðsetning: Reykjavík Natura, Nauthólsvegi 52. Salur 4-5

Dagskrá

08:30 Inngangsorð - Henný Hinz, aðalhagfræðingur ASÍ

08:40 Opinber fjármál og loftslagsbreytingar - Bjarni Benediktsson, fjármálaráðherra

08:55 Viðbrögð við loftslagsbreytingum og velsæld - Brynhildur Davíðsdóttir, prófessor í umhverfis- og auðlindafræði við HÍ

09:15 Grænir skattar - Daði Már Kristófersson, prófessor í auðlindahagfræði við HÍ

09:40 Pallborð

Þátttakendur: Auður Önnu Magnúsdóttir, framkvæmdastjóri Landverndar, Bjarni Benediktsson, fjármálaráðherra, Brynhildur Davíðsdóttir, prófessor í umhverfis- og auðlindafræðum, Guðni Elísson, prófessor í bókmenntafræði, Henný Hinz, aðalhagfræðingur ASÍ.

Einnig verða stutt innslög sem varpa frekara ljósi á málefnið en þar mun Guðmundur Ingi Guðbrandsson, umhverfisráðherra og Kristín Vala Ragnarsdóttir, prófessor í jarðvísindum við HÍ svara nokkrum spurningum.

Fundinum verður streymt á vefsíðu ASÍ og Facebook

Síðasti dagur til að sækja um orlofshús sumarið 2020 var 28.febrúar síðastliðinn en úthlutun fór fram 1. mars. Þeir sem fengu samþykkt hafa til föstudagsins 6. mars til að ganga frá greiðslu. Mánudaginn 9. mars verður opnað á bókanir á það sem eftir stendur fyrir þá sem fengu synjun. Mánudaginn 16. mars verður opnað á bókanir fyrir alla, í gildi reglan "fyrstur kemur fyrstur fær"