Í dag lauk atkvæðagreiðslu um kjör formanns FÍR. Margrét Halldóra Arnarsdóttir var kjörin formaður FÍR, fyrst kvenna í félaginu. Margrét hlaut afburðakosningu og mun taka við sem formaður FÍR á aðalfundi félagsins sem fram fer í apríl. Óskum við Margréti innilega til hamingju með kjörið og berum við miklar væntingar til samstarfs á komandi árum. Þess má geta að Margrét situr nú þegar í miðstjórn RSÍ ásamt því að hafa sinnt félagsstörfum víða og kemur því með mikla reynslu í verkefnið.