Starfsfólk Birtu býður sjóðfélögum í aðventukaffi og spjall í aðsetri lífeyrissjóðsins á 5. hæð að Sundagörðum 2 í Reykjavík á fimmtudaginn kemur, 7. desember, kl. 16:30.
Tilefnið er einfaldlega jólafastan og tækifærið er gripið til að eiga samverustund, rabba saman í góðum hópi, kynna vistarverur Birtu og ræða það sem hverjum og einum liggur á hjarta.
Allt verður þetta á óformlegum nótum, fyrst og fremst notalegt!
Starfsfólk Birtu verður í gestgjafahlutverki og ber meðal annars góðgæti á borð fyrir gesti sína.
Verið hjartanlega velkomin!