Reglulegir fræðslufundir á vegum Rafiðnaðarsambands Íslands hefjast nú í janúar. Fundirnir verða haldnir þriðja þriðjudag í hverjum mánuði fram á vor kl. 18 á Stórhöfða 31 (matsalnum á 1. hæð). Ýmis málefni sem varða rafiðnaðarmenn verða til umfjöllunar.
Fyrsti fundurinn er skipulagður af RSÍ-Ung og verður þriðjudaginn 17. janúar. Fyrst verður stutt kynning á starfsemi RSÍ_Ung og svo mun Halldór Grönvold, aðstoðarframkvæmdastjóri Alþýðusambands Íslands, vera með framsögu. Erindi hans fjallar um fagháskólanáms, en í október sl. náðist víðtæk samstaða um að hefja kerfisbundna uppbyggingu fagháskólanáms hér á landi. Í framsögu verður fjallað um aðdragandann, af hverju fagháskólanám, fyrir hverja fagháskólanám er, stöðuna hér á landi og í nágrannalöndunum, tillögur verkefnishóps um fagháskólanám og næstu skref.
Að framsögum loknum verður tími fyrir umræður og fundinum verður einnig streymt yfir netið og félagsmönnum því gefinn kostur á að taka þátt í gegnum fjarfund. Fundurinn hefst kl. 18 og er klukkutími.
Allir félagsmenn eru velkomnir.
Hér er viðburðurinn á Facebook.
Nánari upplýsingar um fjarfundinn koma inn á vefinn þegar nær dregur.