Helgina 24. - 26. júní verður Fjölskylduhátíð RSÍ haldin að Skógarnesi við Apavatn. Hátíðin verður með hefðbundnu sniði, fjölbreytt að vanda og því verður í nógu að snúast fyrir börnin. Í ár verður þess minnst að 90 ár eru frá stofnun FÍR og ber hátíðin þess merki.
Hátíðin er fyrir félagsmenn RSÍ og fjölskyldur þeirra og er frítt inn á svæðið fyrir félagsmenn (maka og börn). Félagsmenn geta boðið gestum með sér á hátíðina en gestir þurfa að greiða aðgangseyri 3.000 kr. á mann fyrir helgina.(ekki boðið upp á styttri veru) og 1.500 kr. fyrir börn gesta félagsmanna á aldrinum 13 -18 ára en fyrir 12 ára og yngri er frítt. Gestum félagsmanna verður ekki hleypt inn á svæðið nema að því skilyrði uppfylltu að félagsmaður taki á móti gesti sínum í hliðinu. Félagsmenn og gestir greiða 1000 kr. fyrir rafmagn kjósi þeir að nýta það.
Vel verður tekið á móti öllum í hliðinu líkt og undanfarin ár.
Dagskráin 25. júní verður með hefðbundnum hætti:
kl. 09:00 Bíó leikur hefst og veiðikeppni byrjar kl.
09:00 -11:00 Skráning í fótbolta og púttkeppni
kl. 11:00 -16:00 Skátar verða með hoppukastala, klifurvegg og kúlubolta
kl. 13:00 Blaðrarinn býr til blöðrulistaverk fyrir börnin
kl. 13:00 Víðavangshlaup
kl. 13:30 Púttkeppni byrjar
kl. 13:30 – 15:00 Fótboltakeppni
kl. 15:00 Afmæliskaka og pylsur FÍR 90 ára
Hlé verður á dagskrá kl. 16:30 og fyrir þann tíma á að vera búið að skila inn veiðiskýrslum, skorkortum og boltanum.
Kl. 20:30 Kvöldvaka / Verðlaunaafhending
Kl. 21.00 – 23.30 Stuðlabandið heldur uppi stuðinu
Þar sem hátíðin rekst á við forsetakosningar og EM í fótbolta er ráðgert að koma upp tjaldi með sjónvarpi fyrir þá sem vilja fylgjast með leikjum dagsins og kosningaúrslitum.
Við hvetjum félagsmenn og gesti þeirra til þess að kynna sér staðarreglur og fylgja þeim í hvívetna enda ætla allir að skemmta sér í sameiningu.
Félagsmenn þurfa að framvísa skilríki við komu. Umsjónarmaður er með aðgang að félagakerfi til að fletta upp félagsmönnum út frá kennitölu.