Ályktun um kjaraviðræður

Ítarupplýsingar

18. þing Rafiðnaðarsambands Íslands krefst þess að Samtök atvinnulífsins hefji viðræður af fullri alvöru við samninganefndir okkar um þær kröfur sem lagðar hafa verið fram í yfirstandandi viðræðum. Markmið rafiðnaðarmanna er að hækka dagvinnulaun á þann hátt að mögulegt sé að lifa mannsæmandi lífi án þess að vinna þá miklu yfirvinnu sem raun ber vitni.

Kröfur rafiðnaðarmanna miða að því að framleiðni fyrirtækja aukist samhliða hækkun dagvinnulauna. Með þeim hætti má koma í veg fyrir að þjóðin missi tök á verðbólgu hér á landi. Með aukinni verðmætasköpun er þetta mögulegt en svo virðist sem að Samtök atvinnulífsins hafi lítinn áhuga á því að vinna að gerð kjarasamninga sem geti tryggt okkur bætta stöðu með lágri verðbólgu.

#MannsaemandiLaun2015!