Nám við Opna háskólann í HR

Ítarupplýsingar

Við í Opna háskólanum í HR erum með námskeið sem gæti vakið áhuga hjá félagsmönnum Rafiðnaðarsambands Íslands. Námskeiðið snýr að virkni mótorstýringa og verður haldið í lok ágúst. Námskeiðið hentar sérstaklega rafeindavirkjum en gæti vaki áhuga fleiri félagsmanna ykkar. Nánari upplýsingar um námskeiðið er hægt að sjá hér fyrir neðan.

Virkni mótorstýringa – Hefst 27. ágúst

 Á síðastliðnum árum hafa taplitlar aflstýringar með hálfleiðaratækni aukist frá því að vera aðeins fyrir ljósadimmer upp í hraðastýringar fyrir aflstóra mótora. Það er sífellt að verða algengara að smáspennugjafar felli spennuna með hálfleiðaratækni í stað spennibreytis. Þessi tækni hefur boðið upp á að ræsa stóra mótora rólega og stjórna hraða og afli þeirra með nákvæmum hætti. Þó svo að þessar aflstýringar virki vel á mótorinn þá hafa þær sínar aukaverkanir eins og rafmagnstruflanir sem valda því að tölvustýrður búnaður í nágrenninu virkar illa, jafnvel þótt hann sé í annarri byggingu. Búnaðurinn getur einnig myndað hita í flutningalínum þótt aflið sem línurnar flytja aukist ekkert.

Á námskeiðinu verður farið í eftirfarandi: 

• Grunnvirkni aflstýribúnaðar, bæði ac og dc.
• Hvers vegna aflstýribúnaður veldur truflunum.
• Hvers vegna straumur í PEN leiðara getur orðið óeðlilega mikill.
• Hvers vegna flutningalínur hitna meira með aflstýribúnaði.
• Að lokum verður farið í það hvernig hægt er að takmarka þessi vandamál og halda þeim í lágmarki.

Fyrir hverja? 

Námskeiðið hentar sérstaklega verk-, tækni- og iðnfræðingum og rafeindavirkjum sem starfa við raforkukerfi og vinna við uppsetningu og notkun stjórnbúnaðar fyrir aflfrek tæki eins og rafmagnsmótora.

Tími: Námskeiðið fer fram þriðjudaginn 27. ágúst og fimmtudaginn 29. ágúst frá kl. 13:00-17:00.

Verð: 49.000 kr. Innifalið í verði eru námskeiðsgögn og síðdegishressing á námskeiðsdögum.  

Leiðbeinendur: Kristinn Sigurjónsson, M.Sc í efnaverkfræði frá NTH í Þrándheimum og C.Sc í rafmagnsverkfræði frá Háskóla Íslands. Kristinn starfar sem lektor við tækni- og verkfræðideild HR. 

Friðrik Alexanderson, B.Sc í rafmagnstæknifræði frá Odense Teknikum og sveinspróf í rafvirkjun. Friðrik starfar sem deildarstjóri á iðnaðarsviði hjá Verkís.

Skráning og upplýsingar smellið hér.

Félagsmenn Rafiðnaðarsambands Íslands hafið samband við Rafiðnaðarskólann vegna námstyrks sem þið gætuð átt rétt á. www.raf.is