World Skills 2013

Ítarupplýsingar

Ísland sendir 4 keppendur á World Skills leikanna í Leipzig, í hárgreiðslu, pípulögn, rafvirkjun og grafískri miðlun.

Nú þegar þetta er skrifað er 2 keppnisdagar búnir og okkar keppendum gengur vel, en þeir eiga þó 2 daga eftir eða fram á laugardag. Það er síðan á sunnudagskvöld sem kemur í ljós hvernig þeim gekk í samanburði við aðra.

Lena Magnúsdóttir keppir í hárgreiðslu, Börkur Guðmundsson keppir í rafvikjun, Þorri Pétur Þorláksson keppir í pípulögn og Laufey Dröfn Magnúsdóttir keppir í grafískri miðlun. Öll kepptu þau í Íslandsmóti iðn- og verkgreina 2012.

Dómarar fylgja öll þeim greinum sem við sendum keppendur i og þá eru 4 aðrir dómarar sem eru að kynna sér keppnisgreinar sem þeir eru fulltrúar fyrir.

Dómarar eru Ragnheiður Kristinsdóttir dómari í hárgreiðslu, Stefán Sveinsson dómari í rafvikjun, Gústaf A. Hjaltason dómari í málmsuðu, Skarphéðinn Skarphéðinsson dómari í pípulögnum, Sólveig Friðriksdóttir dómari í tölvulausnum fyrir fyrirtæki, Eygló Benediktsdóttir dómari í umönnun , Hörður Bragason dómari í rafeindavirkjun og Hjörtur Guðnason dómari í garfískri miðlun.

Keppnin núna er sú stærðsta sem haldinn hefur verið, keppendur rúmlega 1.000 frá 53 löndum. Þeir keppa í 45 keppnisgreinum. Þá 4 daga sem keppnin stendur yfir er gert ráð fyrir 200 þúsund gestum, og þar eru grunnskólanemar frá Leipzig og nágrenni stór hluti gestanna.

Nokkrar myndir frá keppnisstað.