Þann 3. september hefur Dagný Ósk Aradóttir Pind störf sem lögfræðingur hjá Rafiðnaðarsambandi Íslands. Dagný lauk stúdentsprófi frá Verzlunarskóla Íslands árið 2004, síðan lauk hún BA prófi í lögfræði frá HÍ 2009 og Mag. Jur. prófi 2012. Hún var formaður stúdentaráðs til tveggja ára ásamt því að hafa verið verkefna- og viðburðastjóri á Markaðs og samskiptasviði HÍ. Hún hefur starfað sem jafnréttisfulltrúi hjá Háskóla Íslands að undanförnu. Félagsmenn RSÍ geta fengið lögfræði aðstoð hjá lögfræðingi RSÍ ef þörf er á aðstoð vegna kjara- og réttindamála. Við bjóðum Dagnýju velkomna til starfa.
Á sama tíma lætur Halldór Oddsson núverandi lögfræðingur RSÍ af störfum en hann hefur starfað hjá sambandinu frá 2009. Halldór mun hefja störf hjá Alþýðusambandi Íslands og mun hann starfa á lögfræðideild ASÍ. Við óskum Halldóri velfarnaðar í nýju starfi.