Um liðna helgi var verðlaunahátíð Iðnaðarmannafélagsins í Reykjavík haldin. Þetta er í sjötta skipti sem IMFR heldur þessa hátíð og tókst vel til að vanda. Hátíðin er mjög hátíðleg en á hátíðinni eru verðlaun afhent þeim nýsveinum sem luku sveinsprófi á liðnu ári með afburðaárangri. Að þessu sinni fengu 9 rafiðnaðarsveinar afhent verðlaun en þar af voru 4 nýsveinar í rafvirkjun og 5 nýsveinar í rafeindavirkjun.
Eftirtaldir fengu verðlaun afhent og óskum við þeim öllum innilega til hamingju með frábæran árangur. Það vekur einnig athygli að af 9 nýsveinum eru 3 konur í hópnum sem sýnir og sannar að rafiðngreinar eru einnig góður vettvangur fyrir konur enda krefjast störf rafiðnaðarmanna einna fremst mikillar rökhugsunar og henta því jafnt báðum kynjunum. Konur ættu nýta sér þessa hvatningu og sækja sér rafiðnmenntun enda góð störf með góðum launum í boði!
Verðlaunahafi: | Iðngrein: |
Dagur Hilmarsson | Rafvirkjun |
Sigurgísli Jónasson | Rafvirkjun |
Ágústa Ýr Sveinsdóttir | Rafvirkjun |
Þóra Björk Samúelsdóttir | Rafvirkjun |
Kristján Bjarki Purkhus | Rafeindavirkjun |
Hörður Vilberg Harðarson | Rafeindavirkjun |
Hermann Þór Gíslason | Rafeindavirkjun |
Sylvía Dagsdóttir | Rafeindavirkjun |
Flóki Sigurðsson | Rafeindavirkjun |
Iðnaðarmaður ársins að þessu sinni er Ragnar Axelsson ljósmyndari. Iðnaðarmaður ársins er tilnefndur úr flokki þeirra iðnaðarmanna sem hafa unnið gríðarlega gott starf í þágu löggiltra iðngreina.
Að lokum var veitt viðurkenning fyrir samstarf hönnuða og framleiðenda en að þessu sinni voru það Go Form Design Studio og Brúnás innréttingar sem hlutu viðurkenninguna fyrir þeirra framlag í hönnun og framleiðslu á íslenskum innréttingum.
Óskum við öllum til hamingju með flottan árangur. Fleiri myndir eru aðgengilegar í myndaalbúmi hér á heimasíðunni.