11 21. 2011

Launakönnun RSÍ 2011

Ítarupplýsingar

Capacent hefur kannað laun og vinnutíma rafiðnaðarmanna í september undanfarin ár. Könnunin var framkvæmd í byrjun október mánaðar líkt og undanfarin ár en með þessu móti höfum við byggt upp góðan grunn til þess að fylgjast með þeim áherslu atriðum sem skipta félagsmenn okkar mestu máli. Þetta gerum er gert bæði fyrir Rafiðnaðarsambandið en félagsmenn nýta sér þessar upplýsingar í töluvert miklum mæli til þess að átta sig á því hver þróunin er á markaðnum í kringum þá.

 

Úrtak nú var 1200 félagsmenn. 573 svöruðu eða 48,4%.

 

Menntun og staða á vinnumarkaði

24,1% félagsmanna er með minni menntun en iðnnám. 58,6% hafa lokið iðnnámi. 17,3% hafa lokið háskólanámi.

 

84,0% eru í vinnu, 7,0% eru í vinnu og námi, 2,3% í námi, 3,5% eru atvinnulausir, 0,7% eru í vinnu en atvinnulaus að hluta, 1,2% eru á uppsagnarfresti og 0,5% á reynslutíma..

 

Meðalvinnutími er 186 klst. á mánuði

Meðalvinnutími lengist á milli ára eftir að hafa dregist saman allt frá árinu 2006 þegar meðalvinnutími var 199 klst á mánuði. Í fyrra var meðalvinnutíminn 180 klst á mánuði.

Yfirvinnutímar voru að meðaltali 26 klst. á mánuði hjá þeim sem eru í fullu starfi en voru 20 klst. 2010.

Meðalyfirvinnutímar	2006	2007	2008	2009	2010	2011
Rafvirkjar	48 klst	39 klst	50 klst	25 klst	22 klst	35 klst
Rafeindavirkjar	35 klst	24 klst	30 klst	20 klst	18 klst	15 klst
Tæknifólk í rafiðnaði	30 klst	36 klst	45 klst	20 klst	17 klst	29 klst
Símamenn	30 klst	17 klst	20 klst	11 klst	11 klst	11 klst

 

Meðalheildarmánaðarlaun rafiðnaðarmanna eru 478.604 kr.

Þau voru 447.950 kr. í sept. 2010 og hafa því hækkað um 6,8% á milli ára.

 

Meðalheildarmánaðarlaun

Tímabil	sept. 2006	ágúst 2007	sept. 2008	sept. 2009	sept. 2010	sept. 2011	hækkun
Rafeindav.	390 þús. kr	474 þús. kr	474 þús. kr	468 þús. kr	490 þús. kr	489 þús. kr	-0,2%
Rafvirkjar	429 þús. kr	436 þús. kr	492 þús. kr	476 þús. kr	478 þús. kr	512 þús. kr	7,1%
Símamenn	313 þús. kr	344 þús. kr	374 þús. kr	365 þús. kr	366 þús. kr	378 þús. kr	3,3%
Tæknifólk	326 þús. kr	417 þús. kr	447 þús. kr	406 þús. kr	431 þús. kr	467 þús. kr	8,4%

Meðaldaglaun (regluleg laun) rafiðnaðarmanna eru 366.231 kr.

Voru 361.243 kr. sept. 2010 og hafa því hækkað um 1,4%. Regluleg laun eru föst laun sem greidd eru fyrir 40 dagvinnutíma, utan bónus, álags eða yfirvinnu. Þegar tölur eru rýndar þá sést að meðaldagvinnulaun hafa ekki hækkað um 4,25% líkt og kjarasamningar kveða á um. Við hvetjum félagsmenn til þess að fylgjast vel með því ef umsamdar launahækkanir skila sér ekki til þeirra. Þó getur þessi munur komið fram eftir því hversu dreyft úrtakið er úr hópi félagsmanna á milli ára.

 

Regluleg laun

 

Tímabil	sept. 2006	ágúst 2007	sept. 2008	sept. 2009	sept. 2010	sept. 2011	hækkun
Rafeindav.	308 þús. kr	403 þús. kr	399 þús. kr	397 þús. kr	398 þús. kr	413 þús. kr	3,8%
Rafvirkjar	285 þús. kr	303 þús. kr	321 þús. kr	344 þús. kr	346 þús. kr	351 þús. kr	1,4%
Símamenn	279 þús. kr	320 þús. kr	346 þús. kr	337 þús. kr	331 þús. kr	345 þús. kr	4,2%
Tæknifólk	274 þús. kr	309 þús. kr	340 þús. kr	348 þús. kr	371 þús. kr	366 þús. kr	-1,3%

 

Að þessu sinni spurðum við einnig hvort félagsmenn skoðuðu heimasíðu RSÍ reglulega og þá einnig hvernig félagsmenn vildu fá upplýsingar sendar til sín og voru niðurstöðurnar þær meðal annars að 70,8% félagsmanna vilja fá sendar upplýsingar frá okkur. 88% vilja fá upplýsingar sendar í tölvupósti, 23,5% vilja fá send fréttabréf og 24% vilja fá sendar upplýsingar með öðrum leiðum. Það er ánægjulegt að sjá hversu margir vilja fá sendan tölvupóst en eins og félagsmenn hafa eflaust tekið eftir þá höfum við núna í haust tekið upp á því að senda út rafrænt fréttabréf þar sem við bendum á áhugaverða þætti sem tengjast starfinu. Ef einhverjir félagsmenn hafa ekki fengið þessa tölvupóst þá bendum við þeim á að skrá netföng á orlofssíðum sambandssins eða að öðrum kosti að hafa samband við skrifstofuna.