Norræna verkalýðshreyfingin er virkur þátttakandi í aðstoð við þróunarríkin, það á einnig við íslensku félögin.
T.d. styður Rafiðnaðarsambandið svona starf í gegnum norræna byggingarsambandið. Á yfirstandandi þingi norska rafiðnaðarsambandsins eru veittir styrkir að upphæð um 16 millj. króna.
Helmingur þessa fjár fer til aðstoðar í Suður Ameríku. Í Bólivíu er stutt við skólastarf og verkalýðsbaráttu meðal indíána sem eru 65% af þjóðinni, en þar er að finna fátæka hluta þjóðarinnar sem hefur verið haldið niðri af valdastétt sem hefur verið dyggilega studd af bandarískum auðhringjum sem vilja geta nýtt ódýrt vinnuafl. Í Hondúras er stutt við verkefni jafnréttisbaráttu kvennahreyfinga.
Á þinginu var samþykkt mjög harðorð ályktun um stöðuna í Palestínu og henni fylgdi 2 millj. kr. styrkur, hér á þinginu eru gestir frá verkalýðshreyfingunni í Palestínu. Í ályktuninni er þess er krafist að Ísrael fari að samþykktum Sameinuðu þjóðanna, hætti ólöglegum aðgerðum og skili landsvæðum til Palestínu og felli múrinn sem skilur þjóðina í tvennt.
Norskur almenningur er hvattur til þess að sniðganga allar ísraelskar vörur og öllu samstarfi Noreg við Ísrael verði hætt. Öll sala á hernaðarvörum til Ísrael verði stöðvuð ásamt því að Sameinuðu þjóðirnar hvattar til þess að standa að alþjóðlegu viðskiptabanni gegn Ísrael þar til búið verði að sameina Palentíska þjóð.