Umtöluð ræða formanns RSÍ á ársfundi ASÍ 2009

Ítarupplýsingar

Í spjallþáttum hafa menn farið mikinn og sett fram fullyrðingar um að formaður Rafiðnaðarsambandsins hafi beitt fundarmenn ofbeldi á ársfundi ASÍ.

Hið rétta er að formaður RSÍ hélt tvær ræður á ársfundinum. Fyrri daginn hélt hann erindi þar sem hann kynnti niðurstöðu umhverfisnefndar ASÍ. Seinni daginn hélt hann ræðu í umræðu um lífeyrissjóði þar sem hann mótmælti aðdróttunum í garð fundarmanna.

Ástæða er einnig að geta þess að formaður RSÍ var í vinnuhóp um atvinnumál, en kom ekki nálægt vinnuhóp eða umræðu um lífeyrissjóði utan þess litla sem hann minnist á í ræðunni sem hér er birt.

Þátttaka í vinnuhópnum um atvinnumál var mikil og góð umræða. Niðurstöðu var hrósað sem vel unninni og var afgreidd einróma og án nokkurra athugasemda.