01 21. 2008
- Ítarupplýsingar
Eins og komið hefur fram þá sögðu allir rafvirkjar Landspítalans upp störfum fyrr í vetur vegna þess misræmis sem stjórnendur viðhafa í launakjörum rafiðnaðarmanna. Frá þessum tíma hefur framkoma stjórnenda spítalans við rafvirkjana verið harla einkennileg. Miðstjórn RSÍ fjallaði um málið á fundi sínum þ. 18. janúar Á fundi miðstjórnar miðstjórn Rafiðnaðarsambands Íslands þ. 18. janúar var fjallað um þá stöðu sem er á Landspítalanum eftir uppsagnir allra rafvirkja á spítulunum. Miðstjórn lýsir furðu sinni á ábyrgðarleysi stjórnenda Landspítalans. Með þessum mönnum sem margir hverjir hafa unnið í áratugi á stofnuninni fer mikil þekking á búnaði og húsnæði spítalans til spillis. Sú ákvörðun að ganga ekki til viðræðna við þá og leysa málið, sýna stjórnendur að þeir virðast hafa lítinn áhuga á því að starfsemi spítalans sé með sem bestum hætti og öryggi sjúklinga og starfsmanna stofunarinnar er ekki hátt skrifað. Á uppsagnartíma hafa rafvirkjarnir að upplifa hótanir og allskonar athugasemdir frá sínum yfirmönnum ef þeir vogi sér að standa við uppsagnirnar.
Það hlítur að vera krafa almennings í landinu að stjórnendur Landspítalans sýni ábygð í stöfum sínum og leysi þetta mál hið snarasta.
