01 22. 2008
- Ítarupplýsingar
Á fundi SA og ASÍ seinni partinn í gær lagði SA fram sömu samningsdrög og lögð voru fram í byrjun nóvember síðastliðinn. Landssambönd ASÍ settust þá yfir drögin og skiluðu umsögn um hvernig þau teldu að hægt væri að lenda málinu.Á fundi SA og ASÍ seinni partinn í gær lagði SA fram sömu samningsdrög og lögð voru fram í byrjun nóvember síðastliðinn. Landssambönd ASÍ settust þá yfir drögin og skiluðu umsögn um hvernig þau teldu að hægt væri að lenda málinu. Þetta hefur verið rakið hér á heimasíðunni. Þar kom fram að mikil óvissa væri í efnahagslífinu og ástæða til þess að aðilar vinnumarkaðs ásamt ríkisvaldinu tækju höndum saman um þetta verkefni með samning sem næði fram á haustið 2009.
SA var tilkynnt hvað landssamböndin teldu að gera þyrfti ef fara ætti þessa leið og farið var á fund ríkisstjórnarinnar 12. des., sem tók vel í málið. Það var forsenda að unnið yrði áfram við að þróa samninginn inn á lokastig. Haldið var áfram með mikilli vinnu, en öllum á óvörum splundraði SA þessu öllu í fyrstu viku þessa árs.
Nú leggur SA aftur fram sama plagg. Í þessu plaggi er rafiðnaðarmönnum boðið upp á að laun örfárra rafiðnaðarmanna hækki örlítið. Heildarkostnaður SA af þessu vegna rafiðnaðarmanna er vart mælanlegur eða nálægt 0.2%.
Viðbrögð samninganefndar RSÍ hafa komið fram hér á síðunni. Samningsdrög voru lögð fram í síðustu viku. Það eru að renna út fleiri samningar rafiðnaðarmanna. Hjá ríkisstofnunum þ.á.m. spítulunum, RÚV og flugmálastjórn. Einnig er Orkuveitusamningurinn að renna út.