10 22. 2007

Fyrsti samningafundurinn

Ítarupplýsingar

Í dag hófust samningaviðræður RSÍ og SART/SA með því að aðilar hittust og gerðu grein fyrir helstu málum sem myndu verða í viðræðum og viðræðuáætlun var undirrituðÁ nýafstaðinni trúnaðarmannaráðstefnu RSÍ var samþykkt að leggja áhersla á að lægstu launataxtar verði hækkaðir sérstaklega og fleiri taxtar skilgreindir sem lágmarkstaxtar vegna stöðunnar á byggingarmarkaði. Jafnframt að stefnt yrði að tryggja vaxandi kaupmátt. Einnig á að leggja áherslu á aukið orlof og hraðari ávinnslu. Styttri vinnutíma. Endurskoðun á "línunni", það er ferða til og frá vinnustað. Betri starfslokaákvæði eða hækkun á séreignarákvæðum. Einnig var bent á að ræða þyrfti samræmingu á Virkjanasamning  og almenna samningnum, þar sem reiknað er með að Virkjanasamningur verði ekki endurnýjaður.   Fulltrúar vinnuveitenda lögðu fram greinargerð um horfur í efnahagsmálum og stöðu atvinnulífsins. Laun hefðu hækkað mikið og veruleg kaupmáttaraukning átt sér stað. Ákveðið var að hittast aftur fljótlega.