11 20. 2007
- Ítarupplýsingar
Í könnun Capacent fyrir Rafiðnaðarsambandið um laun félagsmanna í september kom fram að konur eru um 13% félagsmanna Rafiðnaðarsambandsins. Konur með sveinspróf eða meira, eru með hærri laun en rafkarlar.Í könnun Capacent fyrir Rafiðnaðarsambandið um laun félagsmanna í september kom fram að konur eru um 13% félagsmanna Rafiðnaðarsambandsins. Konur með sveinspróf eða meira, eru með hærri laun en rafkarlar.
30% rafkvenna höfðu lokið iðnnámi eða meira námi í sept. 2006, en 37% í ág. 2007. Konum með háskólapróf fjölgar um 6% og er greinilega hluti ástæðunnar hvers vegna þær draga meir fram úr rafkörlunum.
83% rafkarla lokið iðnnámi eða meira. Þetta hlutfall breytist nær ekkert á milli kannana.
Dagvinnutímar karla og kvenna í rafiðnaðarstörfum eru að jafnaði 160 tímar, ástæða þess er að um 40% rafiðnaðarmanna vinna á svokölluðum pakkalaunasamningum.
Dagvinnutímar eru hjá raffólki sem ekki hefur lokið iðnnámi er í við lægri að jafnaði eða 157 tímar. Í því sambandi spilar inn að hlutfallslega stærri hópur þess hóps vinnur einhverskonar vaktavinnu.
Regluleg laun sept 06 munur ág. 07 munur
Karlar með iðnnám eða minna 263 þús. kr. + 6,5% 298 þús. kr. + 10,5%
Konur með iðnnám eða minna 247 þús. kr. 269 þús. kr.
Karlar með sveinspróf eða meira 298 þús. kr. 337 þús. kr.
Konur með sveinspróf eða meira. 352 þús. kr. +18,1% 429 þús. kr. + 27,3%
Í þessu sambandi er ástæða að geta þess að það eru engar konur í ákvæðisvinnu.
Dagvinnutaxtar í ákvæðisvinnu eru yfirleitt frekar í lægri kantinum, sem er afleiðing þess að það leiðir einfaldlega til þess að bónusinn verður hærri og daglaunamunur leiðréttist að einhverju leiti við heildaruppgjör.
Ef heildarvinnutími er skoðaður staðfestist það sem áður hefur komið fram í könnunum innan RSÍ, að rafkarlar skila að jafnaði lengri vinnudegi en konur.
Heildarvinnustundir sept 06 ág. 07
Karlar með iðnnám eða minna 201,1 tímar +14,8% 191,4 tímar +13,2%
Konur með iðnnám eða minna 175,1 tímar 169,2 tímar
Karlar með sveinspróf eða meira 201,3 tímar + 5,2% 192,2 tímar + 8,5%
Konur með sveinspróf eða meira 191,4 tímar 177,1 tímar
Hér ástæða að benda á að í fyrri könnun er spurt um vinnutíma í sept., en þeirri seinni í ág, þar sem sannarlega er meira um frí, enda hlutföllin á milli hópana eru ekki ólík bæði árin.
Heildarlaun
Sept. 2006 Heildarlaun Meðaltímalaun munur
Karlar með iðnnám eða minna 351 þús. kr. 1.745 kr. +13%
Konur með iðnnám eða minna 270 þús. kr. 1.542 kr.
Karlar með sveinspróf eða meira 409 þús. kr. 2.032 kr.
Konur með sveinspróf eða meira 399 þús. kr. 2.085 kr. +2,6%
Ág. 2007 Heildarlaun Meðaltímalaun munur
Karlar með iðnnám eða minna 406 þús. kr. 2.121 kr. +22.9%
Konur með iðnnám eða minna 292 þús. kr. 1.726 kr.
Karlar með sveinspróf eða meira 438 þús. kr. 2.279 kr.
Konur með sveinspróf eða meira 456 þús. kr. 2.575 kr. +12,9%
Eins og hér kemur fram og bent var á ofar (að karlarnir væru meir í ákvæðisvinnu), þá er munurinn á heildarlaunum í reynd ekki eins mikill og fram kemur í daglaunum.
Í öllum launakönnunum sem starfsmenn RSÍ hafa gert í gegnum árin hefur komið fram að það væri engin launamunur milli rafiðnaðarkvenna með sveinspróf eða meiri menntun og sambærilegra rafkarla.
Í öllum tilfellum er um að ræða rafiðnaðarmenn í fullu starfi.