03 9. 2005
- Ítarupplýsingar
Iðnnemasamband Íslands fagnar fréttatilkynningu Rafiðnaðarsambands Íslands
varðandi tilfræslu hátíðarhalda verkalýðsfélaganna í Reykjavík á 1. maí.
Undanfarin ár hefur INSÍ ítrekað bent á þennan valmöguleika á tilfærslu
hátíðarhaldanna en hefur ekki hlotið hljómgrunn hjá 1.maí nefnd
verkalýðsfélaganna. INSÍ hefur boðið félagsmönnum sínum frítt í Fjölskyldu-
og Húsdýragarðinn undanfarin ár og hefur það mælst mjög vel fyrir. Mikil
aðsókn hefur verið í garðinn á þessum dögum og teljum við að tvímælalaust
eigi að huga betur að fjölskyldunni á þessum hátíðisdegi. Við getum sagt
það með reynslu að slík hátíðarhöld eru nútíminn og ljóst að 1.maí er ekki
lengur sá baráttudagur sem hann var, heldur er nú orðinn hátíðisdagur.
Við skorum á forsvarsmenn annarra verkalýðsfélaga að fagna þessari hugmynd
og færa 1.maí hátíðarhöldin úr miðbænum í fjölskylduvænni og fjölbreyttari
hátíðarhöld, þar sem ungir sem aldnir geta haft gaman af.