03 18. 2005
- Ítarupplýsingar
Á fundum 1. maí nefndar verkalýðsfélaganna í Reykjavík var fjallað um ályktun RSÍ um hátíðarhöld verkalýðsfélaganna. Á fundi miðstjórnar Rafiðnaðarsambands Íslands 4. mars s.l. var m.a. fjallað um hátíðarhöld 1.maí í Reykjavík. Miðstjórn RSÍ telur að tímabært sé fyrir verkalýðshreyfinguna að endurskoða hvernig staðið er að hátíðarhöldum 1. maí. Miðstjórn RSÍ leggur til að stéttarfélögin í Reykjavík sameinist um að halda viðtæka fjölskylduhátíð í Laugardalnum. Boðið verði upp á vönduð skemmtiatriði og kaffihlaðborð. Stéttarfélögin setji upp kynningabása um starfsemi sína og frítt verði í Húsdýragarðinn og Laugardalslaug.
Á fundum 1. maí nefndar verkalýðsfélaganna í Reykjavík, BSRB, KÍ, BHM og INSÍ haldnir 10. og 16. mars s.l. var ályktun miðstjórnar RSÍ tekin til skoðunar og rædd. Nefndarmenn voru tilbúnir að skoða breytingar á hátíðarhöldunum með jákvæðu hugarfari. Ákveðið var að fyrir fundinn 16. mars kannað hvort Laugardalshöllin sé laus.
Á fundinum 16. mars s.l. var upplýst að verið væri að stækka Laugardalshöllina og verður henni lokað 23. apríl n.k. og breytingar hefjast á gömlu höllinni. Þessar framkvæmdir leiða af sér, að ekki er möguleiki að nota Laugardalshöllina fyrir hátíðarhöld 1.maí í Reykjavík þetta árið. Því er það ákvörðun nefndarinnar að hátíðar- og baráttudagur launafólks verði haldinn með óbreyttu sniði eins og undanfarin ár.
Fundurinn 16. mars leggur til við 1. maí nefnd sem mun undirbúa hátíðar- og baráttudag launafólks fyrir árið 2006 í Reykjavík. Að hún hafi í huga að gera breytingar á hátíðarhöldunum í takt við ályktun RSÍ, ekki síst í ljósi þess að ári verður Laugardalshöllin stærri og möguleiki að hún geti rúmað fleira fólk.
Fulltrúaráð verkalýðsfélaganna í Reykjavík. BSRB Bandalag háskólamanna. Kennarasamband Íslands. Iðnnemasamband Íslands.