10 24. 2005

Yfirlýsing frá trúnaðarmanni við Kárahnjúka

Ítarupplýsingar

Eiður forsvarsmaður 2b fer mikinn ásamt lögmanni fyrirtækisins. Þeir saka forsvarsmenn stéttarfélaganna um kynþáttafordóma og eins að þeir hafi sett sér það markmið að koma 2b fyrir. Hér eru örstuttar leiðbeiningar til þeirra. Eiður forsvarsmaður 2b fer mikinn ásamt lögmanni fyrirtækisins. Þeir saka forsvarsmenn stéttarfélaganna um kynþáttafordóma og eins að þeir hafi sett sér það markmið að koma 2b fyrir. Hér eru örstuttar leiðbeiningar til þeirra.   Kjarasamningar eru ákvæði um lágmarkskjör á tilteknu svæði við tiltekin störf. Í lögum eru ákvæði um hvernig ganga skuli frá launum og uppgjörum við launamenn. Ef þessi einföldu ákvæði eru ekki uppfyllt þá er það lagalegt hlutverk stéttarfélaganna að sækja á um að það sé leiðrétt. Þar sem  Eiður  og  lögmaður hafa ekki fallist á að sýna launaseðla, tímaskriftir og fullkominn uppgjör við starfsmenn, þá hafa starfsmenn 2b farið fram á að stéttarfélögin hlutist til um það verði gert. Vitanlega verða starfsmenn stéttarfélaga við þessari beiðni. Hótanir lögmanns 2b og rakalausar ávirðingar Eiðs í okkar garð 2b breyta engu. Í því sambandi nægir að benda á yfirlýsingar Grétars verkstjóra á Kárahnjúkasvæðinu þar sem hann hefur staðfest kröfu forsvarsmanna 2b um að pólverkjar séu teknir í karphúsið, séu þeir ekki til friðs. Kannski það sé næst á dagskrá lögmannsins og Eiðs að berja okkur? Guðmundur Gunnarsson    Yfirlýsing trúnaðarmanns stéttarfélaganna við Kárahnjúka   Varðandi yfirlýsingar Eiðs um hótanir mínar í hans garð um það að ég ætli að ganga frá honum, og hann vitnar í fyrsta fund okkar, tel ég rétt að eftirfarandi komi fram.   Það er rétt að strax frá fyrsta fundi okkar, mátti Eiði vera ljóst aðferðir þær, er hann hygðist breyta, myndi ég aldrei samþykkja. Hann talaði fjálglega um ástandið í Póllandi og hugsjónir sínar til að hjálpa fólki þar. Hann sagði líka hann hygðist borga starfsmönnum sínum alla vinnu í dagvinnu, Ég sagði honum að sjálfsögðu að á þannig launaseðil myndi ég aldrei fallast, engu að síður kom hann með afrit af slíkum launaseðli rúmum mánuði seinna, sem ég gerði hann þegar í stað afturreika með og krafðist leiðréttinga sem og hann hefur gert, en þeim launaseðlum hef ég nú vísað til fastanefndar vegna nýrra frádráttaliða.   Ég spurði hann líka, hvernig hann hygðist hafa eðlilegan ábata af sinni vinnu,tjáði hann mér að hann fengi öll nætur og yfirvinnuálög frá starfsmönnunum og um þetta hafi hann gert sérstakan viðskiptasamning í Póllandi. Ég sagði honum að mér viðskiptasamningar í Póllandi væru virkjanasamningi óviðkomandi og enn og aftur að það eina sem ég myndi samþykkja væri uppgjör launa skv honum.   Vera kann að þetta séu þær hótanir sem að hann er að tala um, en eitt er skýrt að persónulegum hótunum hef ég aldrei beint að honum, aðeins reynt að leiðbeina inn á rétta leið. Oddur Friðriksson trúnaðarmaður stéttarfélaganna við Kárahnjúka