03 8. 2003
- Ítarupplýsingar
Á fundum undanfarið innan RSÍ hafa komið fram vaxandi áhyggjur yfir því hvernig rafverktakafyrirtæki eru að reyna að nýta úrelta launataxta til þess að halda launum rafiðnaðarmanna í raflögnum niðri. Forsvarsmenn rafverktaka í byggingariðnaði vitna til þess að í gildi sé samkomulag milli RSÍ og SART um leiðbeinandi launatöflu, þar sem efsti taxti er 12. taxti.Á fundum undanfarið innan RSÍ hafa komið fram vaxandi áhyggjur yfir því hvernig rafverktakafyrirtæki reyna að nýta úrelta launataxta til þess að halda launum rafiðnaðarmanna í raflögnum niðri. Forsvarsmenn rafverktaka í byggingariðnaði vísa til þess að í gildi sé samkomulag milli RSÍ og SART um leiðbeinandi launatöflu, þar sem efsti taxti er 12. taxti. Þetta er ekki rétt. Rifja má upp fundi sem voru milli RSÍ og SART í ársbyrjun 2001. Þar kom m.a. eftirfarandi fram og var birt hér á heimasíðunni 10. marz 2001.
?Óánægja rafvirkja á almennum vinnumarkaði með leiðbeinandi launatöflu RSÍ - SART hefur farið mjög hratt vaxandi undanfarið. Tilvist launatöflunar virðist vera mörgum rafverktakafyrirtækjum tilefni til þess að halda launum rafvirkja niðri. Steininn tók út þegar Kjararannsóknarnefnd birti launakönnun fyrir 3. ársfjórðung 2000. Starfsmenn RSÍ hafa ítrekað en árangurslaust reynt að fá SART til þess færa launatöfluna til samræmis við það gengur og gerist á vinnumarkaði rafiðnaðarmanna. Í framhaldi af þessu ákvað miðstjórn RSÍ að slíta samstarfinu við SART um launatöfluna og senda einungis út hver væru umsamin lágmarkslaun í rafiðnaði. Lágmarkslaun rafiðnaðarmanna með sveinspróf, taxti 6 og lágmarkslaun rafiðnaðarmanna með reynslu, taxti 10. Um það var samið milli RSÍ og SART, að taflan myndi ætíð endurspegla þau laun sem væru á almennum markaði og efstu taxtar að vera a.m.k. jafnháir og meðallaun væru. Samstarf RSÍ við SART hefði ætíð verið mikið og farsælt og vildu miðstjórnarmenn ógjarnan slíta samstarfi um birtingu leiðbeinandi launatöflu. Mönnum fannst afstaða SART reyndar nokkuð sérkennileg, að teknu tilliti til þess að allar aðrar launatöflur í kaupskránni ná mun hærra upp en RSÍ/SART taflan, þar mætti nefna RARIK töfluna, sem einnig er mikið notuð af öðrum fyrirtækjum en RARIK en hæsti taxti þar er kr. 272.172, mánaðardaglaun.?
Í framhaldi af þessu var gert samkomulag við SART um sameiginlega birtingu lágmarkstaxta, en SART var þá tilkynnt að RSÍ myndi eftir sem áður birta á heimasíðunni launatöflu í samræmi við það samkomulag sem í gildi var við SART, en þeir vildu ekki standa við. Samkomulagið var um að birta sameiginlega launtölfu sem væri endurskoðuð a.m.k. 2svar ári og byggð á gögnum frá Kjararannsókn, sem væri óháð og opinber stofnun og væri traustur upplýsingagrunnur.
Samkvæmt síðustu upplýsingum frá Kjararannsókn þá voru meðaldaglaun rafiðnaðarmanna 3. ársfjórðung 2002 :
Meðadaglaun
Meðalyfirvinna
Meðal föst laun
Rafvirkjar
221.800
76.600
298.400
Rafeindavirkja
296.100
16.900
313.000
Iðnaðarmenn allir
242.200
47.500
289.700
Leiðbeinandi launatafla RSÍ
Daglaun
Taxti 12
183.102
Taxti 16
230.614
Taxti 17
244.325
Taxti 18
258.860
Rafverktakafyrirtæki sem halda launum rafiðnaðarmanna innan við taxta 12. eru að greiða laun sem eru langt neðan við meðallaun rafiðnaðarmanna. Rafverktakafyrirtækin eru með gengdarlausum undirboðum að keyra niður laun rafiðnaðarmanna. En þau eru ekki bara að keyra niður laun starfsmanna sinna, þau eru að grafa undan eigin velferð. Manni er spurn hvers vegna eru rafverktakafyrirtækin sem starfa á byggingarmarkaði haldin þessari sjálfeyðingarhvöt. Sem betur fer er ljóst að rafiðnaðarmenn sem eiga þess kost leita eftir störfum annarsstaðar, það segja meðalalaunin. Við starfsmenn RSÍ höfum orðið að sitja undir þeim óbilgjörnu ásökunum af hálfu sumra rafverktaka, að við séum að skálda upp þessi meðallaun. Þeir vita það jafnvel og við að við höfum ekki aðkomu að úrtaki Kjararannsóknar. Þau segja að rafverktakar eru að nýta úrelta launatölfu til þess að halda niðri launum rafiðnaðarmanna.
Við höfum öðru hvoru gert okkar eigin launakannanir með því að skoða skilagreinar með launatengdum gjöldum. Fyrirtækin og launamenn eru örugglega ekki að greiða launatengd gjöld af of háum gjaldstofnum, þannig að þær kannanir eru ekki að sýna of háar niðurstöður . Okkar kannanir eru ekki fjarri því sem Kjararannsókn fær í sínum könnunum.
07.03.03 GG