09 20. 2003

Kárahnjúkadeilan

Ítarupplýsingar

Undanfarna daga hafa fulltrúar stéttarfélaganna og SA skipst á skoðunum á óformlegum fundum um stöðuna og þróun mála. Það er orðið ljóst að vandinn er mun meiri en fulltrúar Landsvirkjunar og hins erlenda fyrirtækis hafa látið í veðri vaka. Undanfarna daga hafa fulltrúar stéttarfélaganna og SA skipst á skoðunum á óformlegum fundum um stöðuna og þróun mála. Það er orðið ljóst að vandinn er mun meiri en fulltrúar Landsvirkjunar og hins erlenda fyrirtækis hafa látið í veðri vaka. Eftir það sem hefur komið fram hjá hinum erlendu starfsmönnum getur Landsvirkjun ekki undan því vikist að krefja ítalska fyrirtækið um að fara í einu og öllu eftir Virkjanasamningnum og þeim venjum sem ríkja á íslenskum vinnumarkaði. Launaseðill með uppgjöri um hver mánaðarmót og innlögn á íslenskan bankareikning í eigu viðkomandi starfsmanns. Það hefur komið fram í viðræðum að það er sameiginlegur skilningur fulltrúa stéttarfélaganna og SA að fara verði að gildandi kjarasamningum, það þjóni ekki hagsmunum neins, síst íslenskum fyrirtækjum að rjúfa þær leikreglur sem gilda á íslenskum vinnumarkaði sem aðilar hafi komið sér saman um í formi kjarasamninga. Það er ljóst að verkalýðshreyfingin mun ekki linna látum fyrr en þessi mál eru kominn í ásættanlegan farveg. Það er ekki hægt að una því að stéttarfélögin og starfsmenn þeirra þurfi ítrekað að leggja út í harkalega baráttu til þess að fá stjórnvöld til þess að sinna eftirlitskyldum sínum gagnvart erlendum fyrirtækjum þegar stórframkvæmdir eiga sér stað. Það eru í gildi lög og reglugerðir um aðbúnað, hreinlæti og sorphirðu. Það eru starfandi eftirlitsaðilar, en það er óþolandi að starfsemi þeirra snúi einungis að íslenskum fyrirtækjum 20.09.03 gg