10 28. 2003
- Ítarupplýsingar
Orlofsíbúðir Rafiðnaðarsambandsins í Torrevieja á Spáni eru vinsæll dvalarstaður yfir vetrartímann í þægilegu vorveðri á meðan vetur ríkir heima á Fróni. Tilvalið fyrir eldri félaga og golfáhugamenn ....... Orlofsíbúðir Rafiðnaðarsambandsins í Torrevieja á Spáni eru vinsæll dvalarstaður yfir vertrartímann. Dvalartími að vetri til er eftir óskum hvers og eins. Leigugjaldi er stillt í hóf og miðar út frá 4 vikna dvöl á tímabilinu 1.nóv.´03 - 3. apríl ´04
Meðalhiti jan-mars er 18° yfir daginn og einhverju svalara á næturnar. Íbúðirnar eru á annarri hæð i raðhúsalengju, með sér sundlaugargarði. Íbúðirnar eru vel búnar tækjum, húsgögnum, sjónvarpi, útvarpi, rafmagnsofnum ofl.
Staðsetningin er miðsvæðis, u.þ.b. 15 mín. gangur niður í hjarta bæjarins, með fjölda veitingastaða, útimarkaði ofl.
Í næsta nágrenni er margt að skoða og auðvelt er að taka sér bílaleigubíl og ferðast um fyrir þá sem það kjósa. Golfvellir í hæðsta gæðaflokki eru í næsta nágrenni, að ekki sé minnst á hvítar strendur til göngutúra og útiveru.
Hér eru heimasíður með upplýsingum um svæðið:
www.thisisspain.es www.torrevieja.co.uk www.golfbonalba.com
www.golfvillamartin.com www.lomasdecampoamor.com
Í vetur verður beint flug á vegum Plúsferða frá Íslandi til Alicante einu sinni í mánuði alveg fram í apríl. Sérstök "Jólaferð" verður 18 des. til 5 jan.´04
Til að panta dvöl á Spáni yfir vetrartímann þá hafið samband við skrifstofuna í síma 580 5200 Umsóknareyðublöð vegna sumardvalar næsta sumar verður á orlofsvefnum í janúar 2004.
