Verði leigutaki uppvís af brotum á leigureglum í orlofskerfi RSÍ getur það varðað sektum og/eða allt að þriggja ára útilokun frá leigu á orlofseignum!

• Orlofshús RSÍ eru eingöngu ætluð félagsfólki og þeirra gestum. Framsal á leigusamningi er með öllu óheimilt. Húsið er orlofshús og eingöngu leigt til samveru og dvalar fyrir leigutaka og gesti hans.
• Leigutaka ber að tilkynna strax til umsjónarmanns um allar skemmdir sem kunna að verða. Leigutaki ber ábyrgð á húsinu/íbúðinni og skal ganga vel um orlofseignina. Ef húsin eru ekki þrifin nægilega vel að mati umsjónarmanns, er leigjanda sendur reikningur fyrir þrifum. RSÍ áskilur sér rétt til að innheimta sérstaklega 30.000.- fyrir vanrækslu á þrifum í orlofshúsum og íbúðum.
• Ef reikningur er ekki greiddur eða um endurtekið brot er að ræða er lokað á bókanir viðkomandi í eitt ár.
• Ef einhverju er ábótavant varðandi umgengni eða viðskilnað fyrri gesta, vinsamlegast látið umsjónarmann vita strax við komuna, svo ekki komi til að óþrifnaður fyrri leigutaka verði á kostnað þess næsta.
• Boðið er upp á sérstök hundahús í orlofskerfi RSÍ. Ef hundar eru hafðir með þar sem það er ekki leyfilegt er lokað fyrir leigur á viðkomandi í eitt ár og allt að þremur árum við endurtekin brot.
• Þrif og sængurlín er innifalið í leigu á Akureyri og Reykjavík. Í öðrum orlofseignum ber leigjanda að þrífa húsnæðið vel í lok dvalar.
• Á landsbyggðinni eru þrif eru EKKI innifalin í leigu á sumarhúsum RSÍ, nema á Akureyri, hvorki helgar- eða vikuleigu.
Á það líka við um hlífðardýnur og sængurfatnað í sumarhúsum. Leigjanda ber að hafa viðeigndi rúmfatnað, lök, sængurver og koddaver meðferðis í sumarhúsið. Að öðrum kosti verður rukkað fyrir þrif á sængurfatnaði.