Aðeins 10% útborgun við fasteignakaup
Eins og fjallað hefur verið á heimasíðum Fagfélaganna keyptu félögin 30 íbúðir í nýju og glæsilegu fjölbýlishúsi að Eirhöfða 7 í sumar.
Verktakinn Höfðakór, sem byggði íbúðirnar, hefur áhuga á að bjóða félagsfólki innan raða Fagfélaganna að kaupa aðrar íbúðir í húsinu þar sem aðeins væri þörf á 10% eiginfjárframlagi kaupenda.
Félagið Höfðakór er reiðubúið að leggja til allt að 20% kaupverðsins í formi eignarhlutar í íbúðinni. Leigugjald af þeirri upphæð er 5% af ári en er gert upp við sölu eignarinnar. Fyrirkomulagið er tilvalið fyrir þau sem hafa átt erfitt með að safna fyrir hærri útborgun og kaupa eign á almennum markaði.
Áhugasamir geta skráð sig á lista yfir áhugasama kaupendur. Ef áhuginn reynist mikill munu þeir sem skrá sig njóta forgangs þegar kemur að nánari kynningu og framkvæmd á þessu fyrirkomulagi.
Hér er hægt að kynna sér verð og útlit íbúðanna.