Bjarg íbúðafélag er nú með í byggingu 30 nýjar íbúðir í Trölladal í Reykjanesbæ. Um er að ræða fjölbreytt úrval íbúða, allt frá tveggja til fimm herbergja, sem ætlaðar eru félagsmönnum aðildarfélaga Bjargs. Áætlað er að fyrstu íbúðirnar verði tilbúnar til afhendingar í júlí 2026. Opnað hefur verið fyrir umsóknir.

Bjarg leggur áherslu á að þeir sem eiga rétt á úthlutun hjá félaginu kynni sér málið vel og tryggi að þeir séu skráðir á biðlista í tíma. Íbúðirnar eru ætlaðar einstaklingum og fjölskyldum sem eru á leigumarkaði og uppfylla skilyrði Bjargs um tekju- og eignamörk.

Gæludýrahald verður heimilt í íbúðum á jarðhæð samkvæmt reglum Bjargs, en félagið hefur unnið að því að skapa fjölbreytt og öruggt samfélag fyrir leigjendur sínar.

Frekari upplýsingar um úthlutun, upphaf leigu og skráningu á biðlista má finna á heimasíðu Bjargs íbúðafélags. Þar má einnig nálgast reglur félagsins um gæludýrahald og önnur atriði sem tengjast íbúðunum í Trölladal.

Bjarg íbúðafélag er sjálfseignarstofnun, stofnuð af ASÍ og BSRB, sem rekur leiguhúsnæði á viðráðanlegu verði fyrir félagsmenn stéttarfélaga á almennum leigumarkaði. Félagið er rekið án hagnaðarmarkmiða og er ætlað að tryggja tekjulágum fjölskyldum á vinnumarkaði aðgengi að öruggu íbúðarhúsnæði í langtímaleigu.