Sigurvegari mótsins, Kristinn Eymundsson, með verðlaunagripinn.

Í tilefni þess að Félag sýningarstjóra við kvikmyndahús fagnar 80 ára afmæli á árinu var haldið skemmtilegt golfmót á Urriðaholtsvelli miðvikudaginn 28. ágúst síðastliðinn.

Níu félagar mættu galvaskir til leiks auk þriggja aðstoðarmanna. Keppt var í höggleik, bæði með og án forgjafar. Mótið hófst með léttu morgunkaffi áður en ræst var út og má segja að spenna og gleði hafi ríkt á vellinum frá fyrsta höggi.

Keppnin var jöfn og spennandi – en það voru þó ekki bara höggin sem töldu, því við lok dags voru allir þátttakendur útnefndir sigurvegarar.

Eftir leikinn nutu félagar dýrindis snitzels í góðum félagsskap þar sem sögur og minningar úr heimi kvikmyndahúsanna fengu að njóta sín. Margt var rifjað upp frá tímum þegar sýningarmenn stóðu vaktina í kvikmyndahúsum borgarinnar og handfléttaðar filmur fóru í gegnum vélar á hverju kvöldi.

Golfmótið var hlý og samrýmd áminning um samhug og sögu félagsins – og ekki síður framtíðina sem bíður.

Við óskum öllum félagsmönnum til hamingju með 80 ára afmælið og hlökkum til áframhaldandi samveru á næstu árum.

Meðfylgjandi myndir eru frá viðburðinum.