Frá aldamótum fram að Hruni okt. 2008 var skráð atvinnuleysi í rafiðnaðargeiranum á bilinu frá 2% til 0,3%. Þarna er um að ræða menn sem voru á milli starfa eða koma úr námi. Mikil skortur var á rafiðnaðarmönnum upp úr 2004 og fyrirtækin sóttu mikið af hálflærðum mönnum inn í skólana, auk þess að erlendum rafiðnaðarmönnum fjölgar töluvert á íslenskum vinnumarkaði á þessum tíma.

Nú er vinna við undirbúning kjarasamninga að hefjast, en eins og flestir vafalaust vita þá renna nær allir kjarasamningar út í lok nóvember. Nýlega hafa komið fram óskir frá ríkisstjórn og SA um að aðilar setjist niður og vinni að sameiginlegum þríhliða kjarasamning til þriggja ára.

Nú er unnið að stækkun Rafiðnaðarskólans á  1 hæð Stórhöfða 27. Skólinn flutti á 3. hæðina  í byrjun þessa árs.