Sumarúthlutun í orlofskerfinu 2024

Umsóknarfrestur um orlofshús um sumar 2024 rann út 5. mars sl. og hefur orlofskerfið skilað niðurstöðu um hversu marga punkta þurfti fyrir hverja orlofseign fyrir úthlutun.

Um 700 umsóknir bárust en 630 útleigueiningar voru í pottinum. Á bak við hverja umsókn geta legið allt að átta valkostir sem hækkar þá tölu umsókna fyrir hverja leigueiningu. Punktastaða ræður úthlutun sem fer sjálfvirkt fram í orlofskerfinu, þar sem vinsælustu eignirnar á vinsælustu tímunum eru „dýrar“ t.a.m. þurfti 529 punkta í Vaglaskógi til að hafa möguleika í vikuna 26. júlí, eins og meðfylgjandi tafla sýnir. (Athugið að skruna til hægri yfir töflunni, því hún er breið!)

• 5. – 11. mars þarf að greiða fyrir úthlutað hús eða íbúð. 

Slembiúthlutun sumarið 2024

Svokölluð „slembiúthlutun“ fyrir sumarið fór fram 14. febrúar þar sem  þar sem allir eiga jafna möguleika á að lenda í úrtaki. 56 leigueiningar voru í þeim potti og fóru nánast allar út. Athyglisvert var að skoða punktastöðu þeirra sem fengu úthlutað því hún var allt frá -65 upp í 299 punktar en hafði engin áhrif á niðurstöður. Slembihugmyndinni var komið á laggirnar til að þau sem ættu fáa punkta hefðu meiri möguleika á úthlutun heldur en í punktakerfinu, en ef fólk sækir um í slembi þá hefur það ekki möguleika á að sækja um í almennri punktaúthlutun.

Það sem ekki gengur út

• Orlofseignir, sem félagar ekki þiggja hvort sem um punktaúthlutun eða slembiúthlutun er að ræða, ganga til baka inn í kerfið og bjóðast þeim sem sóttu um 14. mars, en fengu ekki úthlutun.
• 18. mars kl. 9 ganga eignir sem enn eru ónýttar til almennrar úthlutunar.

Óskum við félögum okkar ánægjulegra stunda í orlofshúsunum okkar allra á komandi sumri.