Áfram er mikilvægast í Covid faraldrinum að gæta vel að einstaklinssmitvörnum. Það er talin lang öruggasta leiðin til að stemma stigu við útbreiðslu veirunnar.

Við erum öll almannavarnir!

  • Minnt er á ítarlegar leiðbeingar til almennings um heimasóttkví! Leiðbeiningar Landlæknis eru hér!
  • Fram hefur komið hversu mikilvægt er að loftgæði séu mikil og að þurrt loft er vinur veirunnar. 40-60% raki er æskilegur og nauðsynlegt að fylgjast vel með því þegar kólna fer í veðri og loft innandyra verður þurrara með meiri kyndingu. Minnt er á mikilvægi þess að lofta út 2x á dag í ca. 10-15 mínútur hverju sinni.
  • Fólk er hvatt til að fara varlega, Landspítalinn tekur ekki endalaust við.

Enn gildir eftirfarandi:


Undanþágur

Reglugerðin sem gefin var út 4. október um hertar aðgerðir vegna Covid-19 tekur einnig á undanþágum:

Ráðherra getur veitt undanþágu frá takmörkun á samkomum vegna sam

félagslega ómissandi innviða sem mega ekki stöðvast, svo sem á sviði raforku, fjarskipta, samgangna, sorphirðu, heil­brigðis­starfsemi, löggæslu, sjúkraflutninga, hjálparliðs almannavarna eða slökkviliða. Hið sama á við vegna kerfislega og efnahagslega mikilvægrar starfsemi, svo sem til að tryggja fæðuöryggi, dreifingu nauðsynjavara eða efnahagslegt öryggi ríkisins með útflutningi. Enn fremur getur ráðherra veitt undanþágu vegna starfa Alþingis, dómstóla og stjórnsýslu.

Við veitingu undanþága skal leitast við að grípa til annarra aðgerða þannig að gætt sé að smit­vörnum eins og kostur er.

Fram hefur komið að vinnuhópar sem starfa við ofangreindar atvinnugreinar og þurfa að fara í vinnuferðir fjarri heimili gildi það sama og um áhafnir skipa og flugvéla, fara þarf í skimun á næstu heilsugæslu bíða í sóttkví þar til niðurstöður liggja fyrir og þá fyrst fara af stað í vinnuferð. Er þá um einkennalausar skimanir að ræða.

Einkennalausar skimanir

  • Mælst er til að einstaklingar/hópar sem fara í vinnuferðir sem vara lengur en 5 daga og ferð til heilbrigðisþjónustunnar tekur meira en 8 klst., verði skimaðir fyrir SARS-CoV-19 með PCR fyrir ferð.
  • Að lokinni skimun og neikvæðri niðurstöðu skal starfsmaður haga sér sem hann væri í sóttkví þar til vinnuferðin hefst.