Orlofssvæðið á Skógarnesi við Apavatn    Upplýsingar um veður (smella hér)

Svæðið er eingöngu ætlað félagsmönnum Rafiðnaðarsambandsins og gestum þeirra. Gildir það jafnt um tjaldsvæðið og orlofshúsin. 
Sjá yfirlitsmynd af tjaldsvæði

Á Skógarnesi við Apavatn er eitt glæsilegasta orlofssvæði landsins. Svæðið er í eigu Rafiðnaðarsambands Íslands.

 

Uppbygging svæðisins hefur staðið yfir undanfarin ár og er sífellt að breytast.

 

Úrdráttur úr reglum tjaldsvæðisins á Skógarnesi:

• Félagsmenn þurfa að framvísa greiðslukvittun við komu á svæðið. Umsjónarmaður er með aðgang að félagakerfi til að fletta upp félagsmönnum út frá kennitölu.
• Hver félagsmaður má hafa gesti með sér á tjaldsvæðinu, eina  einingu fyrir utan sína eigin, samtals 2 einingar með einingu félagsmanns (húsbílar, hjólhýsi, fellihýsi, tjaldvagn eða tjöld eru einingar). 
• Félagsmaður þarf að vera mættur á svæðið þegar gestur hans mætir á svæðið.
• Félagsmaður ber ábyrgð á gestum sínum, þurfi umsjónarmaður að hafa afskipti af gestum félagsmanns þá er það með aðstoð og á ábyrgð félagsmanns. 
• Félagsmönnum er ekki heimilt að lána öðrum félagsskírteini sín.
• Tjaldsvæði A er lokað fyrir umferð bíla að því undanskyldu að heimilt er að koma tjöldum á sinn stað og tæma búnað úr bílum. Þetta er gert til þess að tryggja öryggi barna á svæðinu.
• Lágmarka skal umferð ökutækja um tjaldsvæði B, C og D. Nýta skal bílastæði í nágrenni tjaldsvæðanna og ávallt skal huga að öryggi barna þegar ekið er um svæðið.
• Hámarkshraði á svæðinu er 10 km/klst.
• Orlofssvæðið er fjölskyldusvæði og skal ró vera komin á á svæðinu kl. 00:00.
• Gæludýr eru velkomin, skilyrði að þau séu alltaf í taumi. Lausaganga gæludýra er stranglega bönnuð. 
• Gæludýr skulu ávallt vera í taum af hæfilegri lengd svo dýr nái ekki til annarra gesta.
• Öll umferð mótorhjóla og fjórhjóla um svæðið er bönnuð.
• Öll meðferð opins elds er bönnuð.
• Öll meðferð skotvopna er stranglega bönnuð.
• Félagsmönnum og gestum þeirra ber að kynna sér reglur þessar sem og þær reglur sem eru á skiltum á svæðinu.
• Við alvarleg brot getur félagsmaður verið útilokaður frá nýtingu orlofshúsa og tjaldsvæðis RSÍ í allt að 3 ár.
• Umsjónarmaður er staðsettur á svæðinu og hægt er að ná til hans í síma 862-5220.

 

Verðlisti á tjaldstæðið sumarið 2020

Sumarið 2020 er nauðsynlegt að bóka tjaldstæði fyrirfram, áður en komið er á svæðið. Þetta er gert á orlofshúsavef RSÍ. Vegna Covid-19 og smithættu er nauðsynlegt að grípa til takmarkana á ýmsum þáttum á tjaldsvæðum RSÍ. Aðstæður geta breyst og því þurfa félagar að fylgjast með reglum á svæðunum.

Gisting	Verð
Félagsmaður	4.000 kr.	helgin pr. tjaldeiningu með rafmagni
Nóttin virka daga	2.000 kr.	nóttin hvern virkan dag pr. tjaldeiningu
Gestir félagsmanns
Gestur félagsmanns	6.000 kr.	helgin pr. tjaldeiningu með rafmagni
Nóttin virka daga	3.000 kr.	nóttin hvern virkan dag pr. tjaldeiningu

 

Verðskrá þessi gildir jafnt fyrir tjöld, tjaldvagna, fellihýsi, hjólhýsi og húsbíla.

Þegar tjaldsvæði er bókað fyrir gesti á orlofsvef er greitt sama gjald og um félagsmann sé að ræða. Viðbótargjald greiðist hjá umsjónarmanni við komu. 

 

 

Á svæðinu er glæsilegt og skjólgott tjaldsvæði búið öllum þeim þægindum sem hægt er að bjóða á tjaldsvæði s.s.

snyrtingar, sturtur, gasgrill, útivaskar undir þaki, þvottaaðstaða,  heitt og kalt vatn, leiktæki, körfu, fótboltavellir, púttvöllur og 9 holu par 3 golfvöllur, 100fm blöðru-trambólin ofl. ofl.

Í ljósi aðstæðna í samfélaginu vegna Covid-19 verður að svo stöddu ekki boðið upp á sameiginlega grillaðstöðu, frisbí diska og golfkylfur. Verði breyting þar á munum við að sjálfsögðu auglýsa það. 

Veiði er leyfð í vatninu frá bökkum þess og allt að 60 faðma frá landi. 

Vegna aðstæðna í samfélaginu vegna Covid-19 hefur verið tekin um að hafa báta lokaða. Getum vonandi opnað fyrir báta þegar líður á sumarið. 

Tjaldsvæðið er opið frá hvítasunnu og út september ár hvert, fer þó eftir veðri og frosti í jörðu á vorin.

Nokkur ummæli félagsmanna:

 

„ Við fjölskyldan erum helst um hverja helgi á tjaldsvæðinu sem ég fullyrði að er það besta á landinu"

 

„Frábært svæði, krakkarnir vilja ekki fara annað í útilegu og helst um hverja helgi"

 

„Aðstaðan er glæsileg þarna, maður fyllist stolti að vera hluti af þessu"

 

 

Olofshúsin á svæðinu eru 15 talsins og í þremur stærðum,  270fm, 90fm og 55fm.

 

Öll húsin eru glæsileg með svefnplássi frá 5 til 10 manns.

 

 Í „Stóra húsinu" eru 6 svefnherbergi með svefnplássi  fyrir 28 manns í rúmum.

 

 

Orðaleikur Skógarnesi
Svör:

Þúfa

Æði margir auðlegð af mér reyttu.

Seppunum ég þjóna þótti.

Þúfnabani á mig sótti.

Fé-þúfa

Hunda-þúfa

Tún-þúfa

Bjór

Mér er oft úr hálsi í hálsa helt, því miður.

Að elta mig var áður siður.

Í ólar var ég ristur niður.

Flösku-bjór

Skinn-bjór

Leður/sel-bjór

Borð

Á mig er raðað mönnum hér af mörgum stéttum.

Salt ég verð af sjávarskvettum.

Svigna undan dýrum réttum.

Tafl-borð

Fjöru-borð

Matar-borð

Gámur

Með hina og aðra hluti milli hafna fer ég.

Matinn ört að munni ber ég.

Meðal jólasveina er ég.

Flutninga-gámur

Matar-gámur

Skyr-gámur

Stöng

Ég á merki allra þjóða uppi að bera.

Stökkmenn oft ég upp get hafið.

Ég er býli úr rústum grafið.

Fána-stöng

Stangarstökks-stöng

Eyðibýlið-stöng

Teinn

Um mig snældur öðru hvoru eru að snúast.

Ég varð góða Baldri að bana.

Úr brúnni skamma ég hásetana.

Snældu-teinn

Mistil-teinn

Kaf-teinn

Hryggur

Hér og hvar um hálendið er hægt að sjá mig.

Í Staðarsveit þú um mig ekur.

Á mér í sauðarbaki tekur.

Fjalls-hryggur

Öldu-hryggur

Sauðar(spjald)-hryggur

Tröð

Mig hefur nagað fjöldi fjár og fótum troðið.

Ég var leið frá hliði að hlaði.

Hjá þér veld ég svitabaði.

Fjár (ör)-tröð

Heimreiðar-tröð

Mar-tröð

Grind

Vatnsföturnar voru mér til vinstri og hægri.

Í heimreiðum ég hlýt að vera.

Hold þitt verð ég allt að bera.

Vatnsburðar-grind

Hlið-grind

Beina-grind

Bjarg

Ég er veiðiaðferð, sem ótta vekur.

Að frændum dreg ég forða og vinum.

Frægur bær í Miðfirðinum.

Bjarg-sig

Bjarg-vættur

Bærinn - Bjarg