Um RSÍ

16_thing

Rafiðnaðarsamband Íslands er landssamband stéttarfélaga rafiðnaðarmanna. RSÍ var stofnað árið 1970 af 400 félagsmönnum. Í dag er heildarfjöldi félagsmanna um 5.250 sem skiptast í 9 aðildarfélög. Fjölmennastir eru rafvirkjar eða um 2.400, þá rafeindavirkjar um 700, símamenn eru um 650, tæknimenn í rafiðnaði eru um 1500, kvikmyndagerðarmenn um 35.

Sambandið er starfsgreinasamband sem í eru allir launþegar sem starfa í rafiðnaðargeiranum, hvort sem þeir hafa löggilt sveinspróf eða ekki. Allur félagslegur rekstur er í höndum sambandsins ásamt umsjón eigna, sjóða og gerð kjarasamninga. Starfsemi sambandsins felst í að gæta hagsmuna félagsmanna og fjölskyldna þeirra, bæði gagnvart atvinnurekendum og stjórnvöldum.

Formaður og jafnframt framkvæmdastjóri RSÍ er Kristján Þórður Snæbjarnarson. Dagleg stjórnun er í höndum framkvæmdastjóra í nánu samráði við framkvæmdastjórn. Þar sitja auk formanns, Borgþór Hjörvarsson varaform, Jakob Tryggvason gjaldkeri, Helgi Jónsson ritari, Guðrún S. Bergþórsdóttir meðstjórnandi, Eyjólfur Ólafsson meðstjórnandi og Kristján Helgason meðstjórnandi.  Í miðstjórn sitja auk framkvæmdastjórnar 15 einstaklingar. Miðstjórn RSÍ er æðsta vald sambandsins milli ársfunda og hittist að jafnaði 10 sinnum á ári.

Launakannanir Gallup fyrir RSÍ

Upplýsingar um skilagreinar launagreiðanda